Mandy Islacker

De Wikipedia
Jump to navigation Jump to search
Mandy Islacker in li annu 2015

Mandy Islacker es un footballista de Germania. Ella nascet li 8-im de august 1988 in Essen e lude por li german club 1. FFC Frankfurt in li Frauenfußball-Bundesliga quel es li max alt german liga de football por féminas.

Ella es 164 centimetres alt e ella lude in li atacca.

Mandy Islacker tirat in li finale del UEFA Europan Liga del Championes de féminas 2014/2015 li 14-im de may 2015 li decisiv gol por li 1. FFC Frankfurt contra Paris Sant Germanin FC (féminas). Ella venit just in li 66-im minute in li match.

Personal e professional vive éxter li football[modificar | redacter fonte]

Mandy Islacker originat ex un familie con tradition in li football. Su parte Frank ludet in li german Fußballbundesliga por li VfL Bochum e su grandpatre Franz Islacker ludet por li club Rot-Weiß Essen e esset unvez con ti club champion de Germania e victor del german football bocale DFB-Pokal.

Su patre Frank Islacker ne esset entusiastic que su filia comensat luder football pro que il pensat que football es solmen un sport por mannes.

Mandy Islacker aprendet li profession del comerciante por buró-comunication che li Deutsche Telekom.

Clubs[modificar | redacter fonte]

Mandy Islacker comensat in li etá de quar annus luder football in li equip de su patre che li BV Altenessen.

Quam infante ella comensat luder por li BV Altenessen e in li yunesse por li clubs Essener Sportgemeinschaft 99/06 e SG Essen-Schönebeck.

Ella fat su unesim match in li Frauenbundesliga in li etá de 16 annus por li FCR 2001 Duisburg li 5-im de septembre 2004 e tirat su unesim gol in li Frauenbundesliga li 19-im de septembre 2004 contra li FSV Frankfurt.

National selectiones de Germania[modificar | redacter fonte]

Mandy Islacker ludet duvez in li national de selection de Germania por féminas plu yun quam 15 annus e duvez in li national de selection de Germania por féminas plu yun quam 17 annus.