Mars

De Wikipedia
Mars

Mars, simbol ♂, es li quaresim planete del sistema solari in distantie del Sole, e li duesim max micri pos Mercur.* It es parte del solari sistema e del planetes terrestri. It es nominat por li deo roman del guerre Mars, identic con li deo grec Ares, pro su aspecte rubi. Pro li sam rason, it es anc nominat li "planete rubi".

Pluri missiones spacial de observation e exploration pos li annus 1960 ha permisset un plu bon conossentie del trates de Mars: su geografie, su atmosfere, etc.

Mars possede du natural satelites: Deimos e Phomos, nómines in grec mitologie in quel Phobos (timore) e Deimos (terrore) es li infantes de Ares.

On posse observer Mars con li ocul nud. Su luce es mult plu debil quam to del Lune o li Sole. Solmen tre ínfrequentmen it posse esser egal a to de Venus e Jupiter. Támen, in li max favorabil configuration (quande oposition aproxima se), su luciditá posse superar li luciditá maximum de Jupiter, con un magnitúdine* aparent de -2.91.

Li planete rubi anc ha inspirat un grand númere de autores de scientie-fiction. Li principal aspectes de ti romanes hat esset inspirat per li observationes telescopic del fine del 19im centennie e li comense del 20im centennie, ante visitationes per sondes*, queles fat suposir li existentie de mares e de canales.