Martin Jäger (Diplomat)
| Martin Jäger | |
|---|---|
.png) | |
| Land |  Germania |
| Nascentie | 9-im Septembre 1964 in Ulm |
| Partise | Cristan Democratic Union de Germania |
| Oficies | |
| Ambassador de Germania in Ukraina | |
| Quande | 17-im de august 2023 til septembre 1025 |
| Antecessor | Anka Feldhusen |
| Successor | Heiko Thoms |
| Presidente del Bundesnachrichtendienst | |
| Quande | 15-im de septembre 2025 |
| Antecessor | Bruno Karl |
Martin Jäger es un politico e diplomat de Germania. Il nascet li 9-im de septembre 1964 in Ulm e esset inter li 17-im de august 2023 e septembre 2025 li ambassador de Germania in Ukraina. Secun articules in jurnales Martin Jäger es li candidate quam nov presidente del servicie secret de Germania Bundesnachrichtendienst[1]. Il devenit ye li 15-im de septembre 2005 presidente del Bundesnachrichtendienst.
Personal e professional vive
[modificar | redacter fonte]Pos li scola Martin Jäger fat su obligatori servicie militari in Germania. Pos to il fat un aprentisage quam fotograf. Inter 1986 e 1989 Martin Jäger laborat quam líber jurnalist e pos to il studiat etnologie, political scientie e filosofie in München.
Desde li annu 1994 Martin Jäger comensat laborar por li ministerie por externi aferes de Germania. Inter 2008 e 2013 il laborat por li automobil-industrie che li Mercedes-Benz-gruppe.
Martin Jäger es maritat con li autoressa e jurnalist Nicole Jäger-Koydl e li cuple have du infantes.
Cariera quam diplomat e oficiario
[modificar | redacter fonte]- 1994 Martin Jäger devenit membre del Cristan Democratic Union de Germania.
- 1996-1998 Martin Jäger laborat in li ministerie por externi aferes de Germania.
- 1998-2002 Martin Jäger laborat in li federal cancellaria de Germania por li prim-ministre de Germania.
- 2002-2004 Martin Jäger laborat in li ambassade de Germania in Tchekia quam chef del section por cultura.
- 2004-2005 Martin Jäger laborat denov in li federal cancellaria de Germania.
- 2005-2008 Martin Jäger laborat quam port-parol del ministerie por externi aferes de Germania.
- 2013-2014 Martin Jäger esset ambassador de Germania in Afganistan.
- 2016-2018 Martin Jäger esset secretario del state in li ministerie por interni aferes, digitalisation e migration del país federal Baden-Württemberg.
- 2018-2021 Martin Jäger esset secretario del state in li ministerie por cooperation economic de Germania.
- 2021-2023 Martin Jäger esset ambassador de Germania in Irak.
- 2023-2025 Martin Jäger esset inter li 17-im de august 2023 e septembre 2025 ambassador de Germania in Ukraina.
- 2025 Martin Jäger devenit ye li 15-im de septembre presidente del servicie secret Bundesnachrichtendienst.
Referenties
[modificar | redacter fonte]- ↑ Vide [https://www.spiegel.de/politik/deutscher-auslandsgeheimdienst-merz-wechselt-bnd-chef-aus-a-abccc037-322c-4873-a826-8d2b86c532f6 Spiegel Online 11-im de junio 2025