Melanie Raabe
| Melanie Raabe | |
|---|---|
 | |
| Land |  Germania |
| Nascentie | 1-im de august 1981 |
| Ocupation | Autoressa |
Melanie Raabe es un autoressa de Germania. Ella nascet ye li 1-im de august 1981 in Jena e devenit famosi in Germania per su romanes Die Falle, Die Wahrheit e Der Schatten.
Melanie Raabe nascet in Jena e adultijat in Graischen in li German Democratic Republica. Li patre esset de Benin. In li annu 1990 ella translocat con su familie a West-Germania e habitat in Wiehl. Melanie Raabe studiat scientie de medies e litteratura in Bochum. Pos su studies ella laborat quam líber jurnalista in Köln.
Desde li annu 2011 Melanie Raabe es activ quam autoressa. Ella scrit un criminal raconta, quel ganiat un premie. In li annu 2015 Melanie Raabe publicat li criminal roman Die Falle (Li Trapp), quel esset tre successosi. In li annu 2016 ella publicat li criminal roman Die Wahrheit (Li Veritá). In li annu 2018 sequet li misterie-roman Der Schatten (Li Ombre), quel esset anc adaptat por un serie de television. Li serie de television ex li annu 2023 es internationalmen monstrat per Netflix. Pluri romanes sequet.
Melanie Raabe anc publicat libres pri creativitá e la pop-cantatoressa Lady Gaga.
Ovres
[modificar | redacter fonte]- 2011 Die Zahnfee (curt raconta) (Li Fea del Dentes)
- 2015 Die Falle (Li Trapp)
- 2016 Die Wahrheit (Li Veritá)
- 2018 Der Schatten (Li Ombre)
- 2019 Die Wälder (Li Forestes)
- 2022 Die Kunst des Verschwindens (Li Arte del Desaparition)
- 2024 Der längste Schlaf (Li max long Dorme)