Mercedes Mason
| Mercedes Mason | |
|---|---|
 | |
| Land |  Svedia,  USA |
| Nascentie | 3-im de marte 1982 |
| Ocupation | Actoressa |
Mercedes Mason, nascet quam Mercedes Masöhn, es un actoressa de Svedia e USA de cinemá e de television. Ella nascet li 3-im de marte 1982 in Linköping, Svedia e ella ludet li cardinal rol de Jenny in li horror-film Quarantine 2: Terminal de John Pogue in li annu 2011.
Li genitores de Mercedes Mason emigrat de Iran a Svedia. Quande ella havet 12 annus su familie translocat al Unit States de America. Mercedes Mason anc laborat quam foto-modelle. In li annu 2016 Mercedes Mason recevit li civitá del Unit States de America.
Mercedes Mason es activ quam actoressa desde li annu 2005. Inter 2015 e 2017 ella ludet li rol de Ofelia Salazar in li horror serie de television Fear The Walking Dead.
Mercedes Mason es desde li annu 2014 maritat con li actor David Denman e li cuple have du infantes.