Neues Palais (Potsdam)
Li Neues Palais (Nov Palace) es un castelle in Potsdam in Germania. It es li ex-residentie estival del reyes de Prussia. Li castelle es situat in li Parc de Sanssouci in Potsdam.
Li Neues Palais esset constructet del rey Friedrich II de Prussia ínter 1763 e 1769. Li architectes esset Johann Gottfried Büring, Heinrich Ludwig Manger e Carl von Gontard. Li Neues Palais es constructet in li stil de baroc. On vide li castelle hodíe quam li ultim important castelle de baroc in Prussia e quam culmine del rococó del rey Friedrich II de Prussia.
Li Neues Palais esset constructet por monstrar li crescet importantie de Prussia in Europa. Li castelle servit quam pomposi dom por gastes in li estive, ma ta anc evenit concertes e representationes de teatre.
Desde li annu 1990 li castelle apartene al liste del Heritage Mundal del homanité de UNESCO.