Otto Hahn
| Otto Hahn | |
|---|---|
.jpg) | |
| Land |  Germania |
| Nascentie | 8-im de marte 1879 |
| Morte | 23-im de julí 1968 in Göttingen |
| Ocupation | fisico, chimico |
Otto Emil Hahn esset un chimico de Germania. Il nascet ye li 8-im de marte 1879 in Frankfurt e morit ye li 23-im de julí 1968 in Göttingen. Il descovrit juntmen con Lise Meitner in li annu 1909 li radio-activ isotopes. Otto Hahn ganiat in li annu 1945 li nobel-premie por chimie. Otto Hahn esset un pionero del radio-chimie e es egardat quam patre del nucleari fisica.
Otto Hahn studiat in Marburg chimie e mineralogie. In li annu 1901 il fat su doctoratu in chimie in Marburg. Pos su studies Otto Hahn fat un servicie militari por un annu e retornat al universitá de Marburg quam assistente. Pos un annu in London (Reyatu Unit) e Montréal (Canada) il retornat in li annu 1906 a Germania e laborat al universitá de Berlin. In li annu 1910 Otto Hahn devenit professor.
Desde li annu 1912 Otto Hahn laborat por li Societé del Imperator Wilhelm in Berlin. Inter 1912 e 1938 il colaborat ci con Lise Meitner. Inter 1928 e 1946 Otto Hahn esset director del Institute del Imperator Wilhelm por chimie. In li annu 1938 Otto Hahn descovrit li nucleari fission.
Inter 1948 e 1960 Otto Hahn esset presidente del Max-Plank-Gesellschaft. Otto Hahn esset solmen por li pacific usage del nucleari tecnologie.
Otto Hahn maritat in li annu 1913 li pictora Edith Hahn, qui nascet quam Edith Junghans, e li cuple havet un filio.