Otto Wels
| Otto Wels | |
|---|---|
 | |
| Land |  Germania
|
| Nascentie | 15-im Septembre 1873 in Berlin |
| Morte | 16-im Septembre 1939 in Paris |
| Partise | Socialdemocratic Partise de Germania |
| Oficies | |
| Presidente del Socialdemocratic Partise de Germania | |
| Quande | 14-im de junio 1919 e 16-im de septembre 1939 |
| Antecessor | Friedrich Ebert, Philipp Scheidemann |
| Successor | Hans Vogel |
Otto Wels esset un politico de Germania. Il nascet li 15-im de septembre 1873 in Berlin e morit ye li 16-im de septembre 1939 in Paris (Francia). Otto Wels esset presidente del Socialdemocratic Partise de Germania inter li 14-im de junio 1919 e li 16-im de septembre 1939.
Personal e professional vive
[modificar | redacter fonte]Otto Wels fat un aprentisage e laborat quam tapetero in Berlin, Regensburg e München. Inter 1895 til 1897 il fat su obligatori servicie militari. Otto Wels devenit in li annu 1906 un professional politico.
Otto Wels esset un grand adversario del nationalsocialistes. Pos li caption del political potentie del nationalsocialistes Otto Wels fugit in li may 1933 al Saarland, quel esset controlat de Francia e poy a Praha in Tchecoslovakia. Ta il etablisset li Socialdemocratic Partise de Germania in li exilie, proque li partise esset interdictet in Germania. In li annu 1938 il translocat a Francia. Il morit ye li 16-im de septembre 1939 in Paris.
Political cariera
[modificar | redacter fonte]- 1891 Otto Wels devenit membre del Socialdemocratic Partise de Germania.
- 1912-1918 Otto Wels esset membre del parlament del German Imperie por li Socialdemocratic Partise de Germania
- 1919-1933 Otto Wels esset membre del parlament de Germania por li Socialdemocratic Partise de Germania
- 1919-1939 Otto Wels esset presidente del Socialdemocratic Partise de Germania 14-im de junio 1919 e 16-im de septembre 1939.
- 1933 Otto Wels votat in li parlament de Germania contra li caption del political potentie del nationalsocialistes.