Pedofilic movement

De Wikipedia
Jump to navigation Jump to search

Li pedofilic movement es un international sociopolitic movement quel defende li social e institutional acceptation del pedofilie e del consentit sexual relationes ínter adultes e minoris, provant obtener, con ti ci scope, social e legislativ changes quam li suppression o li reforme del etá de consentiment, li aconossemento del pedofilie quam un specific sexual orientation e su declassification quam parafilie del oficial listes de mental disórdines e maladies.[1][2]

Centrat sur un demitificator academic debatte, li movement nascet in Nederland durante li decennio de 1950, per li activitá del psichologo Frits Bernard e del senator e jurist Edward Brongersma. It rapidmen dat loc al creation de numerosi associationes de defense del pedofilie in mult landes. In li annus 1970, in li contextu del sexual revolution, li movement experimentat un transitori avansamento in occidental Europa, precipue in Nederland, ma it comensat recular desde li annus 1980.[3]

Li public opinion ha monstrat un fort rejection vers li pedofilic movement e su social e politic progresse ha esset tre limitat. Ho-témpor, li defense del pedofilia es excludet del public debatte e max mult national governamentes adhere al protocoles del Organisation del Unit Nationes por definir li leges pri etá de consentiment.[4] Ye su látere, li medical comunité desacorda fortmen con li affirmationes del pedofilic activistes pri li natura pretendetmen inofensiv del sexual relationes ínter adultes e infantes.[5]

Definition de pedofilie[modificar | redacter fonte]

Li definition de pedofolie es fundamental por li studie e li comprension del demandas del pedofilic activistes, nam it posse variar secun landes, lingue e sociolegal criteries[6].

Etimologicmen, li término pedofilie es format del grec paroles παις-παιδος, 'infante-púer', e φιλία, 'amicitá' o 'amore'[7]. Su etimologic signification es, dunc, 'amicitá/amore al infantes'. Totvez, secun su actual usu, li parol ne procede directmen del grec, ma it esset introductet in li medical vocabularium del vienesi psychiatro Richard von Krafft-Ebing in su ovre Psychopathia Sexualis, publicat in 1886, por definir li primari sexual attraction vers prepubescent individues o con temporan pubertá[8].

Li oficial medical definition es ti del International Classification de Maladies del Mundial Organisation del Sanitá[9], e anc ti del diversi psichiatric associationes, precipue li American Association de Psichiatrie[10]. Ti ci organisationes defini li pedofilie quam un primari sexual attraction vers infantes prepubescent o con temporan pubertá e considera it quam un disórdene mental e del conduida[9].

Ye lor látere, li pedofilic activistes defini li pedofilie quam un sexual preferentie vers infantes e, in larg sense, vers adolescentes, basat sur li selectiv amore vers ti ci, e ili considera it quam un specific sexual orientation, comparabil con qualcunc altri[11]. Por evitar li stigmatisation de términos quam pedofilo e pederasta, alcun defensores del normalisation del pedofilie promove li usu de altris quam boylover e girllover, de anglesi orígine (traductibil respectivmen quam "amante del púeres" e "amante del púeras"), e li generic childlover ("amante del infantes")[12][13]. On utilisa anc altri denominationes, quam pedosexualitá e efebosexualitá[14].

Principal teses e demandes[modificar | redacter fonte]

Benque intra li movement es representat un grand númere de opiniones, a vezes divergent, max mult activistes es de accordo con li sequent scopos[15]:

  • transformation del social conception pri pedofilie.
  • distintion ínter sexual abusa e consentit relationes.
  • aconossemento del sexual libertá del infantes e del adolescentes.
  • aconossemento del pedofilie quam un specific sexual orientation.
  • declassification del pedofilie quam parafilie del oficial listes de mental disórdenes e maladies.
  • suppression o reforme del etá de consentiment.
  • promotion del objectiv resercha pri li pedofilie e li interactiones adulte-infante.
  • libertá de expression e de information.

Li pedofilic activistes afirma que li infantes e adolescentes posse desirar e consentir li sexual relationes con adultes[16] e que tis ne es nociv por ili, ante util e salutari si ili se developa in adequat conditiones e li circumité ne reacte negativmen.[17] Sub ti ci premisse, ili questiona li validitá del leges pri etá de consentiment e demanda lor suppression o un progressiv e remarcabil reduction[15].

Li pedofilic activistes defende to quel ili considera li natural jure del infantes e adolescentes explorar e developar lor sexualitá e selecter libermen con qui ili vole compartir lo, sive ínter ili, sive in li cadre de intergenerational relationes con adultes[18]. Li pedofilic movement ne presenta se do, exclusivmen, quam un movement de sexual liberation por li adultes, ma anc por li minoris.[note 1][19]

Li pedofilic activistes defende li pedofilie quam un specific sexual orientation, comparabil con quelcunc altri, e demanda su declassification quam parafilie del oficial listes de mental disórdenes e maladies[15]. Ili argumenta que anc li homosexualitá esset antey classificat quam un maladie de tis ci sam organismes e postula li jure ne esser discriminat in li cadre del actual democratic states[11].

Alcun activistes monstra se anc favorabil al legalisation del infantil pornografie. Ti ci activistes considera censura li interdiction del possession de infantil pornografie e denuncia su persecution quam un juridic abusa[note 2][20][21].

Distintion ínter sexual abusa e consentit relationes[modificar | redacter fonte]

Li distintion ínter infantil sexual abusa e consentit relationes quel fa li pedofilic activistes es un aspecte clave por li comprension de lor demandas[22]. Benque li interpretation del conception pri infantil sexual abusa e consentit relationes difere significativmen secun sociolegal criteries, li pedofilic activistes refusa e condamna oficialmen sur li base de lor propri criteries li infantil sexual abusa, comprendet quam li usu de fortie o coercition por imposir non-desirat relationes, e ili solmen defende to quel ili defini quam consentit relationes (sovente sin etablisser límite de etá), sin coercitiones e in un cadre de egalitá, harmonie e mutual respecte por li sentimentes. Sur ti ci essential distintion de conceptiones basa se omni demandas del pedofilic activisme.

Li Danesi Pedofilic Association (DPA), un del max remarcabil associationes del pedofilic movement, fundat in Dania in 1984, sinteset in 11 punctus li distintion ínter infantil sexual abusa e consentit relationes defendet del pedofilic activistes[23]:

Infantil sexual abusa Pedofilie, eventualmen con sexual contacte
  1. Violentie, menacies, deception, chantage (emotional), assalte e rapte.
  2. Li infante senti quel es ínpossibil retirar se del sexual activitá. Li infante vole que li activitá fini, ma li adulte impedi it. Li abusa de potentie e altri intimidationes permisse li continuat abusa.
  3. Li sexual desire del adulte es li sol criterie. On ne prende in consideration li necessitás del infante, includet li sexuales. Li infante es un passiv sexual objecte.
  4. Obligation de secret. Explotation del sentimentes de honte del infante. Si on decovri li sexual activitá, li infante experimenta sentimentes de culpabilitá, mem sin haver desirat un tal activitá.
  5. Opressiv atmosfere. Ne hay sensation de securitá ni de intimitá.
  6. Li relation ne es egalitari. Hay opression, abusa de autoritá e manipulation.
  7. Li adulte ne es interessat in li infante quam persone, ma solmen quam sporadic sexual objecte.
  8. Hay poc interesses in comun. Li infante isola se del altris, includet su companes de etá. Li adulte pretende posseder li infante.
  9. Ne hay un comunication aperte. Omni emotional expression es represset.
  10. In li quotidian vive del infante, li amore e li atention es ínsuficent. In ti ci casus existe risca de fixation con li adult sexualitá.
  11. Li infante have sentimentes de timore e de aversion. It es evident que li infante sercha auxilie.
  1. Spontanitá e amicitá queles on jui in companie.
  2. Li infante posse retirar se del relation in qualcunc moment, secun su desire. Li adulte respecta li voluntá del infante e ne le culpa pro su decision.
  3. Interaction a nivelle personal e (eventualmen) sexual. Li sexual activitá, si existe, es adaptat al psichosexual nivelle del infante. Li adulte participa del sexualitá del infante.
  4. On prova attinger li maxim grand apertura possibil, considerant li moral e li circumité. Li bonesser de ambi partes es expressat in verbal e non-verbal maniere durante li relation.
  5. On prova crear un atmosfere quel forni li maxim grand sensation de securitá possibil.
  6. Li scope es crear un relation de egalitá. In casu de un durabil relation, it transforma se in amicitá.
  7. Li adulte manifesta interesse pri li munde del infante. Hay interesses in comun, mem in li casu de un unic incontra.
  8. Hay loc por li juvenil cultura e li contacte con li altris. Li interesses es dividet.
  9. Hay loc por li expression de sentimentes. Li potentie es equilibrat. Li infante e li adulte divide se li potentie.
  10. Li adulte ha un real interesse pri li sentimentes (anc sexual) del infante. Il desira posir se al nivelle del infante. Li amicitá es un valorosi complement de altri aspectes del vive del infante.
  11. Li dominant sentiment che li infante es li felicitá, benque a vezes il posse sentir se ínsecur caus li moral del societá. Totvez, li infante prova expressar positiv sentimentes in su circumité.

Li DPA anc remarca que on deve "presuposir li existentie de un ampli 'gris zone' ínter li du situationes oposit descrit" in ti ci 11 punctus.

In 1998, li psichologo Frans Gieles, del Nederlandse Vereniging voor Seksuele Hervorming, Nederlandesi Societé por un Sexual Reforme (NVSH), proposit quar basic etic regules queles on vell dever haver in mente in omni relation adulte-infante[24]:

  • Consentiment, tam del infante quam del adulte.
  • Apertura vers li genitores del infante.
  • Libertá por li infante retirar se del relation in qualcunc moment.
  • Harmonie con li developation del infante.

Ye altri látere, mani pedofilos afirma que li sexu ne es li principal rason de esser de lor relationes con infantes. Edward Brongersma, in su studie "Boy-Lovers and Their Influence on Boys" (Li Boy-Lovers e lor influentie sur li púeres), u il presenta li resultates de investigationes realisat con adultes queles hat havet sexual relationes con infantes, afirma: "In un relation, li sexu es usualmen un secundari element, etsi it posse esser important por li instruction e li sexual education" (il cita studies de Hass, 1979; Righton, 1981; Berkel, 1978; Ingram, 1977; Pieterse, 1982; e Sandfort, 1982)[25].

Scientific bases[modificar | redacter fonte]

Sigmund Freud revolutionat li occidental conception del infantie essent li unesim quel subtenet, sur scientific bases, li existentie del infantil sexualitá.

Desde su aparition, li teoricos del pedofilic movement ha prendet quam referentie li studies de investigatores quam Sigmund Freud, Wilhelm Reich e Alfred Kinsey pri li infantil sexualitá e plu tard de altris quam Floyd Martinson, Alayne Yates o William Masters, queles ha negat o relativisat li negativ consequenties que li oficial psichiatrie e li societá atribue usualmen al sexual relationes ínter adultes e infantes, por defender scientificmen lor teses, queles ili anc basa sur historic e cultural evenimentes queles permisset li social acceptation del pederastie, mem regulat, quam in li Ancian Grecia[26]. In sam témpore, ili subtene que li studies pri li interactiones adulte-infante es usualmen distordet pro li prejudicies del investigatores concernent li pedofilie e ili demanda un plu objectiv aproximation[27][11]. Un studie citat sovente quam exemple de objectiv investigation del defensores del intergenerational relationes es "Boys on their contacts with men" (Li púeres in lor contactes con mannes)[28], del social psichologo Theo Sandfort, publicat in 1987 in li revúe The Journal of Sex Research[29].

Sigmund Freud[modificar | redacter fonte]

In fines del 19-im secul, Sigmund Freud revolutionat li occidental conception del infantie con su psichoanalitic teorie essent li unesim quel sustenet, sur scientific bases, li existentie del infantil sexualitá. Freud descri li psichosexual developation del infante in 5 fasas: oral, anal e falic, quel vell culminar con li resolution del conflicte de Edipo che li púer e del conflicte de Electra che li púera. Poy vell haver un fasa de latentie til li genital fasa del pubertá. Li basic tese freudian es que li sexualitá del infante es "polimorficmen perversi" e que il developa fort impulses al incestu. Li infante trova se obligat profitar e sublimar ti ci desire por developar un san sexualitá in li adult etá. Freud formalisat su teses in ti egarde in li ovre Drei Abhandlungen zur Sexualtheorie ("Tri essayes pri sexual teorie"), publicat in 1905[30].

Wilhelm Reich[modificar | redacter fonte]

Li austriac psichiatro Wilhelm Reich, elev de Freud, quel provat compatibilisar li psichoanalise con li marxistic analise, atribuet li repression del infantil sexualitá e li consequent repression del adult sexualitá a un millennari moral imposition quel vell manifestar se in li capitalist sistema per li borgesi e patriarchal familie, quel acterea quam representante e reproductori del politic repression del state. Utilisant li religion quam dispositive, li conservativ familie vell realisar li function preservar li familial modelle existent per li perpetuation de institutiones quam li índissolubil matrimonie e moral principles quam li conjugal fidelitá[31]. Secun Reich, li infantil inhibition posse causar fixation in pregenital status, con li consequentie de patologic sexual formationes[32]. In ovres quam Massenpsychologie des Faschismus ("Psichologie de masses del fascisme")[33], Reich subtenet que li repression del infantil sexualitá producte individues intimidat avan li vive e temorosi del autoritá, quo favori li perpetuation de dirigentes queles imposi lor voluntá al masses.

Alfred Kinsey[modificar | redacter fonte]

Ínter 1937 e 1948, li american scientist Alfred Kinsey efectuat un del studies max important pri human sexualitá realisat til nu, hodie conoset quam Raporte Kinsey, quel va esser publicat in du volumes, Sexual Behavior in the Human Male ("Sexual conduida del mann")[34] e Sexual Behavior in the Human Female ("Sexual conduida del fémina")[35]. Por su realisation il successat reunir li sexual historie de circa 18.000 persones, ínter ili centes de infantes, de 2 mensus ad 15 annus de etá. Kinsey afirmat quel ne existe abnormal sexual relationes, ma social normes que los conditiona e regula. Secun Kinsey, si li sexual relationes ínter adultes e infantes se developa in adequat circumstanties, si li adulte senti afection por li infante e ne cosifica it, ili posse esser un edificant experientie por li infante. Ti ci solmen vive it quam un trauma si li public autoritás o li genitores fa le creder que un tal conduida es ínmoral o íncorect. In su conception de "sexual decarga", quel includet masturbation, nocturn pollutiones, heterosexual caresses, homosexual relationes e relationes con animales, Kinsey propugnat li permissivisme del relationes ínter adultes e infantes[36].

Frits Bernard[modificar | redacter fonte]

Clinical psichologo e specialista pri pedofilie, il publicat un grand númere de scientific ovres pri li tema. Frits Bernard defendet que li infantes posse consentir e juir sexual relationes con adultes e que tis ci ne es necessimen nociv in omni casus. In su studie Pedofilie[37] il remarca factores quam li reaction del circumité, li interrogationes e li aresto del adulte compane quam li ver cause de negativ e persistent efectes in li mente del infante quande un pederastic relation es decovrit e li tabú es aplicat sur ti ci. Il critica que li societá solmen emfasa li negativ parte del pedofilie (infantil sexual abusa) e que li pluparte del studies pri li pedofilos es realisat in conditiones degradant por ti ci (prisones, psichiatric hospitales). Altri del objectiones de Bernard es que on nequande questiona li infantes pri lor ver sentimentes pri li pedofilos ma pos un grand scandale que les conditiona por responder negativmen pri lor experienties[11]. In 1988 il afirmat que til ti moment, quam psichologo e quam autorisat expert testimon in pluri litigies, il self hat analisat "plu quam un centene de pedofilic adultes e circa tricent infantes e adolescentes queles hat [sexual] contactes con adultes"[38].

Bruce Rind[modificar | redacter fonte]

In 1998, li psichologos Bruce Rind, Philip Tromovitch e Robert Bauserman publicat in li Psychological Bulletin del American Association de Psichologie un studie titulat A meta-analytic examination of assumed properties of childsexual abuse using college samples ("Metanalitic studie del suposit proprietás del infantil sexual abusa utilisant universitari specimenes"). Li autores prova verificar si li afirmationes emanat del medias de comunication e li specialisat litteratura quel omni sexual relationes es traumatic por li minoris e que li sexual abusa causa un psichologic damage grav, durabil e generalisat sur púeros e púeras in equivalent maniere, corresponde se con li maniere quam es vivet ti ci experienties. Rind, Tromovitch e Bauserman analisa e compara li resultates de 59 studies realisat con non-clinic specimenes de ambi sexus queles hat havet sexual relationes con adultes durante li infantie o le adolescentie e ili arriva al conclusion que circa 70% del yunes analisat considera que tal experienties esset positiv o ne hat consequenties. Ili relativisa e atribue a altri causes, quam li familial circumité, li negativ consequenties raportet del ceteri e conclude que li credenties del societá pri li pretendet negativ consequenties del sexu sur infantes e adolescentes es exagerat e ne se subtene[39].

Precedentes[modificar | redacter fonte]

John Henry Mackay, antecessor del pedofilic movement.

It existe precedentes del pedofilic activisme in li ovre del scritor german de orígine scotesi John Henry Mackay[40]. Mackay, qui reconosset su pedofilie, interprendet un campanie sub li pseudonim Sagitta porque on acceptat li pederastic amore[41]. Su plan esset publicar pluri libres in different stiles, ma li projecte frustrat se quande su ovres esset confiscat e su editor denunciat, benque ti ci nequande revelat qui se ocultat detra li pseudonim Sagitta. Pos un judicie, li libres esset declarat obscen in 1909 e lor editor multat. Mackay, totvez, continuat su cruceade e in 1913 il publicat altri ovres con li sam scope. Li plu remarcabil de ti ci serie es li roman auto-biografic Fenny Skaller[42]. In 1926 il publicat Der Puppenjunge[43], un historie pri infantes prostituet in Berlin. In li Republica de Weimar on posset vendir su libres, ma quande li nazis arrivat al guvernament ili esset interdictet. Til 1979 on ne savet que detra Sagitta ocultat se ti ci autor.

On posse trovar altri precedentes del pedofilic activisme che li francesi scritor André Gide, qui ínter 1911 e 1920 publicat, in un anonim privat edition, su essaye Corydon, u il analisa aspectes quam li cultura del amore o li forme quam li homoerotisme ha esset tractat durante li historie, proposint li existentie de un "normal pederastie", t.e. ni patologic ni criminal, prendent quam referentie li grec-roman munde e specialmen li Ancian Grecia. Li prim complete edition in francesi, ja con li nómine del autor, esset publicat in 1924[44]. Gide self considerat Corydon su max important libre.

Unesim movementes (1940–1969)[modificar | redacter fonte]

In 1940, li nederlandesi psichologo e sexologo Frits Bernard etablisset contactes con li avocate J. A. Schorer, presidente del nederlandesi branche del german Wissenschaftlich-humanitäres Komitee, Humanitari Scientific Comité (WhK), li unesim organisation de defense del homosexuales e transsexuales, e per il con li doctor Benno Premsela, anc conoset quam li unesim sexologo de Nederland. Bernard savet que li WhK, junt con su international organisation, li Institut für Sexualwissenschaft, Institut por li Sexual Scientie, hat publicat articules pri li interactiones adulte-infante avan 1933[45]. Con li declaration de guerre del alliates al Nazi Germania e li victorie de ti ci in li unesim fasa del contention in Europa, li campanies de legitimation del pedofolie hat esset interdictet e qualcunc banalisation pri li tema fortmen penalisat, nam li articul 176 del Verordnungsblatt nró 81 concernent li interactiones adulte-infante del german legislation devet esser includet in li nederlandesi legislation per órdine de Adolf Hitler. Li Institute por li Sexual Scientie hat esset litteralmen destructet pos li ariva del nationalsocialisme al guvernament de Germania in 1933. Li membres del WhK Arent von Santhorst e Bob Angelo hat destructet li tot documentation del nederlandesi WhK por impedir li investigationes del nazis.

In li annus 1950, ex li restes del nederlandesi branche del WhK, Frits Bernard e altris funda in Li Haye li association Enclave Kring[note 3], dedicat al scientific studie del pedofilie. Considerat quam li unesim organisation del pedofilic activisme, li gruppe installa se poy in Rotterdam[46][47]. Su scopes es "rupter con li prejudicies pri li questiones concernent li erotic contactes e relationes ínter minoris e adultes (...), furnint information e consilie (...) [e] iniciar un programma de direct assistentie [por avansar] vers un revision del criminal code"[48]. In 1958 Bernard funda un editorial con li sam nómine por difuser li idés del association. Developat con li idé devenir un international organisation, Enclave Kring recive subtene in occidental Europa, New York, Japan e Hong Kong, locos u in alcun casus Bernard self hat conferentiat. Fructe de su eforties, li association recive un favorabil response pri li pedofilic activisme de diversi independent publicationes, quam li nederlandesi Vriendschap (publicat desde 1859), li german Der Weg zu Freundschaft und Toleranz, li danesi Amigo e li nederlandesi Verstandig Ouderschap in li annus 1960. Li NVSH, avan-guardie del movement por li sexual libertás, have alor, in paroles de Bernard, un tre critic atitude vers li pedofilos[48].

Avan li poc quantitá de studies dedicat al fenomen del pedofilie e con li desir combatter li social stigmatisation, Brongersma e Bernard scri, de 1959 a 1964, diversi articules presentant li pedofilie de un favorabil vispunctu, queles es publicat in Vriendschap ("Amicitá"), li revúe del Cultuur en Ontspanningscentrum, Centre de Cultura e Ocie (COC, hodie COC Nederland)[49], association de defense del jures del homosexuales quem ili apartene, benque ili ne successa li creation de un interne gruppe de labor.

Inter 1966 e 1969, Frits Bernard remane ocupat in altri projectes e li activitás de Enclave Kring diminue. Li developation de un duesim fasa in li pedofilic activisme ne va concretar se til 1970[48].

Transitori avansamento (1970–1981)[modificar | redacter fonte]

In li contextu del sexual revolution iniciat in fines del annus 1960 developa se un pedofilic activist movement quel prova atraer li atention del medias por far avansar su cause. Li activistes defia li public opinion e comensa demandar li social acceptation del pedofilie, su declassification del oficial listes de maladies e mental disórdines e le suppression del etá de consentiment.

Li movement experimenta un avansamento vers su scopes quel se manifesta in li aparition, desde li medie del annus 1970, de un grand númere de gruppes specificmen pedofilic in mult landes, ultra li homosexual associationes e li isolat pensatores. Numerosi intelectuales e politic activistes subtene li idés del pedofilic movement. Benque li pedofilie ancor ne es acceptat, ultra li tolerant atitude de alcun minoritari gruppes, ti ci radicalisation presenta al pedofilos li oportunitá reunir se e exchangear idés.

In li medie del annus 1970, li nucleo del activisme deplazza se durante un curt periode de témpore al Reyate Unit e li Unit States. In ti ci landes, li movement es objecte de fort attaccas del presse. Frits Bernard atribuet li fort oposition in li anglofone landes contra li pedofilic activisme a su radical e fortmen agressiv atitude éxter continental Europa avan li generalisat ignorantie del societá pri sexual questiones[50].

Europa del Nord[modificar | redacter fonte]

Nederland[modificar | redacter fonte]

In li comense del annus 1970, li max mult articules in defense del pedofilie, li pluparte provant definir li consequenties a curt- e long-termino del sexual contactes ínter adultos e infantes sur tis ci ultim, es scrit in Nederland, tam de teoric perspectives quam practic, de Frits Bernard, Edward Brongersma, Frans Gieles e li social psichologo Theo Sandfort. Li datas utilisat de ti ci investigatores proveni del direct analise de pedofilos e de yunes e adultes queles, durante li infantie o adolescentie, hat sexual relationes con adultes. In continuitá con li vias apertet in li annus 1950 de Frits Bernard, li pedofilic activisme tende coincider con un plu general studie pri li sexualitá, li familie e li infantes.

Li positiones del NVSH changea caus li social evolution e li radicalisation de alcun politic e intelectual discursos e on crea, impulsat principalmen de Frits Bernard e Edward Brongersma, li Stiching Studiegroep Pedofilie, Gruppe de Studie pri li Pedofilie (SSP), specific gruppe del association, integrat de infantil specialistes, psichiatros e avocates, quel realisa un important informativ labor. Li gruppe, quel ha quam membres Frits Bernard, Edward Brongersma, Ids Haagsma, Wijnand Sengers e Peter van Eeten[45], organisa semanal reuniones e colecta information pri li pedofilie, quel es archivat in un centre de documentation situat in Hasselt.

In 1972, li SSP publica li libre Sex met kinderen ("Sexu con infantes")[51], scrit de Frits Bernard in colaboration con Edward Brongersma, Wijnand Sengers, Peter van Eeten e Ids Haagsma. Li ovre, quel descri li historie de Enclave Kring e del international investigation pri li sexual interactiones ínter adultes e infantes, in parte stimulat de Enclave Kring e in parte independent, til ti moment, apertet li debatte pri li pedofilie in Nederland[52] e preparat li fundamentes por li pedofilic activisme del annus 1970 in occidental Europa[note 4][45].

In 1973 ha loc in Breda li unesim international incontra de pedofiles, organisat del NVSH, quel in li sam annu formalisa su section pri pedofilie. In 1976 ti ci prende li nómine Emancipatie van Oudere-Jongere-relaties, Gruppe de Labor por li Emancipation del Intergenerational Relationes, e in 1979 passa nominar se Landelijke Werkgroep Jeugdemancipatie, National Gruppe de Labor por li Emancipation del Infantes. In 1974 on organisa in Utrecht, sub li motto "Pedofilie e Societá", li unesim incontra del section pri pedofilie del NVSH. On demanda li dispenalisation del pederastie e li jure del infantes "expressar lor sentimentes e necessitás".

Til li comense del annus 1980, li pedofilic activistes monstra se satisfat con li progresses de lor cause in Nederland. In 1980, COC declara publiamen que li pedofilie es un gay question e que li homosexual liberation nequande va esser complet sin li liberation del infantes e del pedofilos[50]. Ínter 1979 e 1981, li ultim significativ avansamento del pedofilic activisme in li occidental munde eveni in 1981, quande li Protestantse Stichting voor Verantwoorde Gezinsvorming, Protestante Fundation Nederlandese por li Responsabil Familial Developation (PSVG) distribue in li primari scolas decenes mill de copies de un ilustrat brochura titulat Paedophilia[53], con li scope informar li infantes pri li pedofilie[54]. In ti moment, plu e plu feministic organisationes, e mem unités del Juvenil Policie, monstrat se favorabil al dispenalisation del pederastie[55]. Ancor in 1984, Edward Brongersma va afirmar: "In Nederland, li pedofilie debatte se objectivmen durante li cursos de instruction del academies de policie. Ci, quam in li universitás, on se efortia por posir fine al prejudicies".

Petition de 1979 contra li etá de consentiment[modificar | redacter fonte]

Li 22 de junio 1979 NVSH, li Liga Coornhert por li Reforme del Penal Legislation, le Humanitari Confederation e li prestro Alje Klamer inviat un petition, junt con un lettre con simil contente, al nederlandesi ministre de justitie e, simultanmen, al nederlandesi Parlament. Ambi demandat li dispenalisation del consentit sexual relationes ínter infantes e adultes.

Ti ci petition esset signat de diversi public organisationes de social bonesser e mental sanitá, ínter queles esset li sequentes[54]:

  • General Association de Conditional Libertá.
  • Nederlandesi Association por li Integration del Homosexualitá (COC).
  • Association Feministic Nederlandese official.
  • Per unanimitá, li executiv comité del Partise del Labor (li partise con li plu grand quantitá de membres).
  • Per unanimitá, li executiv comités de quar politic partises plu litt queles havet alor representation in li nederlandesi inferiori cámera (Democratic Socialiste Partise, Socialiste Pacifiste Partise, Democratic Partise e Radical Partise).

Quam scrit Jan Schuijer, del NVSH, "aparentmen alarmat pro li successe del petition", li section de infantil e juvenil psichiatrie del Nederlandesi Societá de Psichiatrie oposit se publicmen al demandes de dispenalisation, afirmant que to vell debilitar li parental autoritá[56].

Belgia[modificar | redacter fonte]

It es in Flandria (Belgia), pos un conferentie organisat in Antwerpen del SSP in april 1973, que on crea li unesim europan pedofilic gruppe éxter Nederland, li Studiegroep Pedofilie, Gruppe de Studie pri li Pedofilie. In 1981 va addir se Stiekum, plu radical (brochuras, interventiones in li institutional medie, in li radio, etc.). Ti ci gruppes, ancor sat informal, va ser desde 1984 objective de persecution e ataccas de partises del dextre, ínter ili li Vlaams Blok, quel va accusar lo pri "customar li gente al fenomen del pedofilie", va demandar lor interdiction fro su publicationes e fro li national presse e va organisar manifestationes de proteste quande se celebra in Flandria conferenties e debattes pri li pedofilie[57][58].

Germania[modificar | redacter fonte]

In Germania esset tre activ durante li annus 1970 e 1980 Indianerkommune, un auto-nominat "commune de liberation del infantes"[59]. In li comense del annus 1980 existet Arbeitskreis Päderastie-Pädophilie (AKP), un litt gruppe de reflexion format in 1979 quel subtenet li heterosexual pedofilos[59]. Desde 1979, in Germania del West, li Deutsche Studien und Arbeitsgemeinschaft Pädophilie, German Societá de Studie e Labor pri li Pedofilie (DSAP) integra pluri local gruppes e edita li bulletine Befreite Beziehung, poy Die Zeitung. In li fine de 1981, li interne desacordes ínter su 200 membres resulta in li efectiv dissolution del colective. AKP deveni alor li principal germanic association. Del dissolution de DSAP nasce Kinderfrühling, quel reprende li edition de Befreite Beziehung[60].

Altri landes[modificar | redacter fonte]

In altri landes de Europa del Nord apari litt gruppes quam Schweizerische Arbeitsgemeinschaft Pädophilie (SAP) in Svissia, Paedofilia Arbeitsgruppen (PAG) in Svedia o Norwegian Pedophile Group (NAFP) in Norvegia, quel venit mem a esser inscrit in li federation de national homosexual associationes homosexual e, pos esser expulsat, devenit clandestin[59]. Tot ili, benque se fa reciproc publicitá in lor publicationes, es totvez poc numerosi, poc influent e precipue poc coordinat, malgré que on realisa alcun eforties de regruppament, sovente ye national scale.

International Die del Amore al Púeres[modificar | redacter fonte]

Desde 1998 homosexual pedofilos celebra li International Die del Amore al Púeres, un populari convocation aparit in internet por exhortar al social acceptation del pedofilie e del pederastic relationes ínter adultes e minoris[61]. Ti ci die, pedofilos de li tot munde prende discretmen in public un blu candel, quel ha devenit li simbole del convocation. Li date fixat es li prim saturdí pos li solsticie de estive. Considerant ambi hemisferes, li celebration eveni du vezes per annu.

Heterosexual pedofilos ha instituet pos li Die de Alicia. Li date del convocation es li 25 de april, die quande Lewis Carroll conoset in 1856 Alice Liddell, li púera quel le inspirat su celebri roman Alicia in li land del marveles.

Til nu li organisatores de ti ci evenimentes nequande ha celebrat oficialmen alcun sorte de fisic convocation.

Simbologie[modificar | redacter fonte]

Simbol in forme de papilion representant li pedofilie.

It existe un simbologie propri del movement, utilisat del divers pedofilic organisationes in lor publicationes e websites:

  • Un blu triangul in forma de spiral, o BLogo, simbolisa un púer (triangul litt) circumdat de un plu grand mann (grand triangul). It esset designat de un pedofilo con li pseudonim Kalos in 1997.
  • Un simil simbol, un cordie intra un cordie, o GLogo, esset developat plu tard de heterosexual pedofilos por simbolisar un "bande de amore" ínter adultes e púeras.
  • Un triesim simbol in forma de papilion simbolisa li pedofilie in generic maniere. It es format de quar cordies: un grand e blu por li mann, un grand e rosi por li fémina, un litt e blu por li púer e un litt e rosi por le puella.

Ti simboles hat esset anc utilisat por fabricar divers juveles e brelocos, quam anelles e medallies.[62]

Notes[modificar | redacter fonte]

  1. In su essaye L'Enfant au masculin, Tony Duvert explica que li sexual contacte ínter un infanto e un mann significa por li infanto solmen un homosexual relation, quel posse esser conform a su sexual orientation, e que condamnar li pedofilos equivale persecuter li homosexuales.
  2. Li Partise del Charitá, Libertá e Diversitá de Nederland considerat censura li prohibition del possession de infantil pornografie e proposit in su programma li libertá de participar in pornografic productiones desde li etá de consentiment. Egalmen, li german association Krumme 13 petit li abolition del articul 184 del german penal code quel prohibi li distribution de infantil pornografie.
  3. Li nómine Enclave esset electet por memorar li sociologic situation del pedofilos in li occidental societás.
  4. Junt con altri fontes pri li influentie de Sex met kinderen, vide Edward Brongersma (1988, ibidem) e li criminologic studie de Michael C. Baurmann (1983), publicat del Buró del Federal Criminal Policie de Germania.

Referenties[modificar | redacter fonte]

  1. Fonseca, Suheyla. "Um olhar crítico sobre o ativismo pedófilo (in portugalese). Revista da Faculdade de Direito de Campos, nró 10 (junio 2007).
  2. Young, Mary. "The indignant page: techniques of neutralization in the publications of pedophile organizations" (in angles). Child Abuse & Neglect, Vol. IV, nró 12 (1988), pp. 583-591.
  3. Ambroise-Rendu, Anne-Claude. "La pédophilie entre les lignes" (in frances). Médias, nró 178.
  4. Convention on Consent to Marriage, Minimum Age for Marriage and Registration of Marriages (in anglesi). Buró del Alt Comissariatu del Organisation del Unit Nationes por li Jures Homan.
  5. Dallam, S. J. "Science or Propaganda? An examination of Rind, Tromovitch & Bauserman" (in anglesi). Journal of Child Sexual Abuse, Vol. IX, nró 3/4 (2002), pp. 109-134.
  6. Ames, Ashley; Houston, David. "Legal, social, and biological definitions of pedophilia" (in anglesi), Archives of Sexual Behavior. Universitatá de Indiana, Vol. XIX (1990). pp. 333-342.
  7. Liddell, Henry G.; Scott, Robert. Intermediate Greek-English Lexicon (in anglesi), 1959. ISBN 0-19-910206-6.
  8. Krafft-Ebing, Richard. Psychopathia Sexualis, 1886.
  9. 9.0 9.1 International Classification de Maladies, ICM-10, version 2010 - Vide code F65.4 (in anglesi).
  10. DSM-IV-TR: Paedophilia, code 302.2 (in anglesi).
  11. 11.0 11.1 11.2 11.3 Santiago, Pablo. "La pedofilia como fenómeno psiquiátrico". Alicia en el lado oscuro (in espaniol). Madrid: Imagine, 2004, pp. 163-275. ISBN 84-95882-46-9.
  12. Geraci, Joseph. "Interview: Gilbert Herdt" (in anglesi). Paidika: The Journal of Paedophilia, Vol. III, nró 2, 1994. pp. 2-17.
  13. Young, Mary. "The indignant page: techniques of neutralization in the publications of pedophile organizations" (in anglesi). Child Abuse & Neglect, Vol. IV, nró 12 (1988). pp. 583-591.
  14. Rencken, Robert; Grubb, Jeff. Brief and Extended Interventions in Sexual Abuse (in anglesi), 2-im ed. Alexandria: American Counseling Association, 2000.
  15. 15.0 15.1 15.2 Young, Mary. "The indignant page: techniques of neutralization in the publications of pedophile organizations" (in angles). Child Abuse & Neglect, Vol. IV, nró 12 (1988).
  16. O'Carroll, Tom. 'Consent' and 'Willingness' (in anglesi). In: Paedophilia: The Radical Case. London: Peter Owen, 1980. ISBN 0-7206-0546-6.
  17. Riegel, David. Understanding loved boys and boylovers (in anglesi). Philadelphia: SafeHaven Foundation Press, 2000
  18. Hocquenghem, Guy; Voline, Marc. "Non à l'enfant poupée" (in frances). Libération, april 1979.
  19. Who we are (in angles). nambla.org.
  20. "SEXUALITÄT: Unter der Gürtellinie" (in germano). Der Spiegel, 3-12-2001.
  21. Walters, Gregory J. Human Rights in an Information Age: A Philosophical Analysis (in anglesi). Toronto: University of Toronto Press, 2002, p. 76.
  22. "Interview with Dr. Frits Bernard, a pioneer emancipator" (in anglesi). Koinos, Vol. IV, nró 48, 2005.
  23. Two differents worlds. Danesi Pedofilic Association.
  24. "I didn't know how to deal with it": Young people speak out about their sexual contacts with adults (in anglesi). Biblioteca IPCE.
  25. Brongersma, Edward. "Boy-lovers and their influence on boys: Distorted research and anecdotal observations" (in anglesi). Journal of Homosexuality, nró 20 (1990). pp. 145-173.
  26. Licht, Hans. Sexual Life in Ancient Greece (in anglesi). New York: Barnes & Noble, 1962.
  27. Whitfield, Charles L.; Joyanna, Jay; Fink, Paul. Misinformation concerning child sexual abuse and adult survivors (in anglesi). London: Routledge, 2001, p. 123.
  28. Boys on their contacts with men: A study of sexually expressed friendships (in anglesi). MHAMic.
  29. Objectivity and Ideology Criticism of Theo Sandfort’s Research on Man-Boy Sexual Relations (in anglesi). Biblioteca IPCE.
  30. Freud, Sigmund. Drei Abhandlungen zur Sexualtheorie (in german). Frankfurt: Fischer Taschenbuch, 2000. ISBN 3-596-10440-8.
  31. Reich, Wilhelm. Der Einbruch der sexuellen Zwangsmoral (in german). Colonia: Kiepenheuer und Witsch, 1995. ISBN 978-3-462-02471-5.
  32. Reich, Wilhelm. The Function of the Orgasm: Discovery of the Orgone (in anglesi). New York: Farrar, Straus & Giroux, 1986.
  33. Reich, Wilhelm. Massenpsychologie des Faschismus (in german). Colonia: Anaconda Verlag, 2011. ISBN 3866476663.
  34. Kinsey, Alfred. Sexual Behavior in the Human Male (in anglesi). Indiana: Indiana University Press, 1998. ISBN 0-253-33412-8.
  35. Kinsey, Alfred. Sexual Behavior in the Human Female (in anglesi). Indiana: Indiana University Press, 1953. ISBN 0-253-33411-X.
  36. Santiago, Pablo. "La pedofilia como fenómeno psiquiátrico". In: Alicia en el lado oscuro (in espaniol). Madrid: Imagine, 2004, pp. 192-193.
  37. Bernard, Frits. Paedophilia: A Factual Report (in anglese). Rotterdam: Enclave, 1985. ISBN 90-71179-02-8.
  38. Leopardi, Angelo, 1988.
  39. Rind, Bruce ; Tromovitch, Phillip ; Bauserman, Robert. A Meta-Analytic Examination of Assumed Properties of Child Sexual Abuse Using College Samples. Psychological Bulletin, Comtatu de Arlington, American Association de Psichologie, Vol. CXXIV, nró 1 (julí 1998). pp. 22-53. Complet textu (in anglesi). Ligamente DOI.
  40. Kennedy, Hubert C. Anarchist of love: the secret life of John Henry Mackay (in anglesi). New York: NAMBLA, 1996.
  41. Santiago, Pablo. "Personajes históricos sospechosos de pedofilia". Alicia en el lado oscuro (in espaniol). Madrid: Imagine, 2004. pp. 135-136.
  42. Mackay, John Henry. Fenny Skaller (in german). Amsterdam: Southernwood Press, 1988. ISBN 90-72450-02-7.
  43. Mackay, John Henry. Der Puppenjunge (in german). Hamburg: Männerschwarm. ISBN 3-86149-069-2.
  44. Ahlstedt, Eva. André Gide et le débat sur l'homosexualité (in francesi). Göteborg: Acta universitatis Gothoburgensis, 1994. ISBN 9173462721.
  45. 45.0 45.1 45.2 Brongersma, Edward. "Schutzalter 12 Jahre?: Sex mit Kindern in der niederländischen Gesetzgebung". In: Leopardi, Angelo. Der pädosexuelle Komplex (german). Frankfurt: Foerster Verlag, 1988. p. 212. ISBN 3-922257-66-6.
  46. Sandfort, Theo; Brongersma, Edward; Alex, Van Naerssen. Male Intergenerational Intimacy: Historical, Socio-Psychological, and Legal Perspectives (in angles). New York-London: Haworth Press, 1991. ISBN 978-0-918393-78-4.
  47. Dares To Speak. Historical and Contemporary Perspective on Boy-Love. Norfolk: The Gay Men's Press. 1997, pp. 34-39.
  48. 48.0 48.1 48.2 Bernard, Frits. "The Dutch Paedophile Emancipation Movement" (in angles). Paidika: The Journal of Paedophilia, Vol. I, nró 2, 1987. pp. 35-45.
  49. COC Nederland. Oficial website (in angle, france e nederlande)
  50. 50.0 50.1 Sandfort, Theo. "Boy Relationships: Different Concepts for a Diversity of Phenomena" (in angles). Journal of Homosexuality, nró 20 (1990).
  51. Bernard, Frits; Brongersma, Edward; Sengers, Wijnand; Van Eeten, Peter; Haagsma, Ids. Sex met kinderen (in nederlandese). Li Haye: NVSH, 1972.
  52. The Dutch Paedophile Emancipation Movement (in angles). Paidika: The Journal of Paedophilia, Vol. I, nró 2 (autun 1987). pp. 35-45.
  53. PSVG. Pedophilia (in angles). [s.n.]: Biblioteca IPCE.
  54. 54.0 54.1 Cite error: Invalid <ref> tag; no text was provided for refs named Piron
  55. Bernard, Frits. Pädophilie ohne Grenzen (in german). Frankfurt: Foerster Verlag, 1997. p. 36. ISBN 3-922257-83-6.
  56. Schuijer, Jan. "Tolerance at arm's length: The Dutch experience". Journal of Homosexuality, nró 20, 1990. (in anglesi)
  57. Carpentier, Philippe. "Et en Flandre?" (in frances). L'Espoir, CRIES, nró 6 (junio-julio 1983).
  58. Carpentier, Philippe. "Le cancer de l'Occident chrétien" (in frances), L'Espoir, CRIES, nró 27 (septembre-octobre) 1986.
  59. 59.0 59.1 59.2 Cite error: Invalid <ref> tag; no text was provided for refs named pimo
  60. Duraz, Serge. "En Allemagne" (in francese). Le Petit Gredin, GRED, nró 3 (estive 1983).
  61. Oficial site del International Die del Amore al Púeres (in anglesi e espaniol).
  62. Document del FBI pri li simboles utilisat del pedofilos (in anglesi). Wikileaks.

Vide anc[modificar | redacter fonte]

Bibliographia[modificar | redacter fonte]

Essaye[modificar | redacter fonte]

  • Bernard, Frits [et al.]. Sex met kinderen. Li Haye: NVSH, 1972.
  • Bernard, Frits. Paedophilia: A Factual Report. Rotterdam: Enclave, 1985.
  • Bernard, Frits. Pädophilie ohne Grenzen. Frankfurt: Foerster, 1997.
  • Boulin, Bertrand [et al.]. La charte des enfants. Paris: Stock, 1977.
  • Duvert, Tony. Le bon sexe illustré. Paris: Minuit, 1974.
  • Duvert, Tony. L'Enfant au masculin. Paris: Minuit, 1980.
  • Goode, Sarah. Understanding and addressing adult sexual attraction to children. London: Routledge, 2009.
  • Guillebaud, Jean-Claude. La tyrannie du plaisir. Paris: Seuil, 1988.
  • Hohmann, Joachim. Pädophilie heute. Frankfurt: Foerster, 1982.
  • Leopardi, Angelo (sub li cura de); con articules e colaborationes de Edward Brongersma, Volker Beck, Bruno Bendig, Peter Mangold, Volkmar Sigusch, A. Siegel, W. Vogel e Frits Bernard. Der pädosexuelle Komplex. Frankfurt: Foerster, 1988.
  • Levine, Judith. Harmful to Minors. Minnesota: University of Minnesota Press, 2002.
  • Matzneff, Gabriel. Les moins de seize ans. Paris: Juillard, 1974.
  • Matzneff, Gabriel. Les passions schismatiques. Paris: Stock, 1977.
  • Pinard-Legry, Jean-Luc; Lapouge. Benoît. L'enfant et le pédéraste. Paris: Seuil, 1980.
  • Raffy, Alex. La pédofilie, de l'infantilisme des grandes personnes. Bruxelles: De Boeck Université, 2004.
  • Rochefort, Christiane. Les enfants d'abord. Paris: Grasset, 1976.
  • Santiago, Pablo. Alicia en el lado oscuro. Madrid: Imagine, 2004. pp. 387-391.
  • Schérer, René. Émile perverti. Paris: Laffont, 1974.
  • Schérer, René. Une érotique puérile. Paris: Galilée, 1978.

Colectiv e revúes:

  • "Co-ire: album systématique de l’enfance". Recherches, nró 22 (1977).
  • Le fou parle, nró 7 (julio-august 1978).
  • "Fous d'enfance". Recherches, nró 37 (1979).

Articules[modificar | redacter fonte]

Articules directmen ligat al pedofilic movement o su historie:

Altri articules utilisat quam referentie:

  • Rind, Bruce ; Tromovitch, Phillip ; Bauserman, Robert. "A Meta-Analytic Examination of Assumed Properties of Child Sexual Abuse Using College Samples". Psychological Bulletin, Contato de Arlington, Association American de Psychologia, Vol. CXXIV, nró 1 (julio 1998), pp. 22-53. Complet Textu (in angles). Ligamente DOI.
  • Sandfort, Theo. "Boys on their contacts with men: A study of sexually expressed friendships". Global Academic Publishers, 1987.
  • Young, Mary. "The indignant page: techniques of neutralization in the publications of pedophile organizations". Child Abuse & Neglect, Vol. IV, nró 12 (1988).

Ressurces in linea[modificar | redacter fonte]

Audiovisual documentes[modificar | redacter fonte]