Pubertá
Pubertá es un fase del developament homan in quel un infante deveni un adolescent. Durante li pubertá eveni corporal e psichologic changeamentes in li córpor del infantes, queles esset causer per hormones.
Li córpor del puella o púer cresce rapidmen, li organies sexual developa se e anc li aparation deveni plu adult. Che li puellas li féminin mammes cresce e li pelve deveni plu larg. Che li puéres li barbe comensa crescer e li voce deveni plu bass. Li púeres comensa producter spermatozóes e por li puellas li cicle de menstruation comensa. Nu púeres e puellas have li biological capabilitás al sexual reproduction.
Li periode de pubertá es anc caracterisat per frequent emotional changeamentes in li humore e un crescent desire a autonomie e autodetermination.
Por puellas li pubertá comensa circa in li etá de 10 annus e fini circa in li etá de 16 annus, che púeres li pubertá comense circa in li etá de 12 annus e dura til li etá de 18 annus, ma li moment exact e li duration varia secun li individue.