René Goscinny
| René Goscinny | |
|---|---|
_1971.jpg) | |
| Land |  Francia |
| Nascentie | 14-im de august 1926 |
| Morte | 5-im de novembre 1977 in Paris |
| Ocupation | Autor de comic, editor |
René Goscinny esset un famosi autor de comic, film-director e editor de Francia. Il nascet ye li 14-im de august 1926 in Paris e morit ye li 5-im de novembre 1977 anc in Paris. René Goscinny creat li famosi comic-serie Asterix con li dessinator e illustrator e co-autor de Albert Uderzo.
René Goscinny es de judeic orígine. Su genitores inmigrat de Polonia a Francia. René Goscinny adultijat in Buenos Aires (Argentina) e pos li morte de su patre in li annu 1943 il translocat con su matre a New York in li Unit States de America. In li annu 1946 René Goscinny viageat a Francia por devenir soldate in li armé de Francia. Pos to il retornat al Unit States de America e scrit quar libres por infantes.
In li annu 1952 René Goscinny incontrat li autor Albert Uderzo e ili comensat colaborar. Albert Uderzo dessinat por li racontas de René Goscinny. Ili productet li comic-series Pitt Pistol, Luc Junior, Benjamin & Benjamine e Oumpah-Pah. In li annu 1959 ili publicat li unesim album del serie Asterix, quel devenit un grand successe. In li annu 1977 René Goscinny morit e Albert Uderzo continuat li serie quam autor e dessinator.
René Goscinny esset anc activ quam film-director de dessinat filmes.
In li 1967 René Goscinny maritat Gilberte Pollaro-Millo e li cuple have un filia Anne Goscinny, qui anc devenit un autoressa.
Ovres
[modificar | redacter fonte]René Goscinny ganiat pluri premies pro su ovre.
Quelc important ovres de comic
- 1955-1958: Modeste et Pompon
- 1955-1977: Lucky Luke
- 1957-1959 Prudence Petitpas
- 1957-1965 Signor Spaghetti
- 1958–1962: Oumpah-Pah
- 1958-1964: Strapontin
- 1962-1977: Iznogoud
- 1959-1965: Le Petit Nicolas
- 1965-1967: Les Dingodossiers
- 1959–1977 Asterix