Representation del conossentie

Li representation del conossentie (KR) have li scope de modelar information de un maniere structurat por representar it formalmen quam conossentie in sistemas basat sur conossentie, durante que li representation e rasonament de conossentie (KRR, KR&R, o KR²) anc have li scope de comprender, rasonar e interpretar conossentie. KRR es larg usat in li camp de inteligentie artificial (AI) con li scope de representar information pri li munde in un forme quel un sistema de computator posse usar por soluer tareas complex, quam diagnosticar un condition medical o haver un dialog natural-linguistic. KR incorpora decovertes ex psichologie pri qualmen li homes solue problemas e representa conossentie, por designar formalismes quel facilisa li creation e construction de sistemas complex. Li KRR anc incorpora decovertes ex logica por automatisar divers tips de rasonament.