Reza Pahlavi
| Reza Pahlavi | |
|---|---|
.jpg) | |
| Land |  Iran |
| Nascentie | 31-im de octobre 1960 in Teheran |
| Ocupation | Politico |
Cyrus Reza Pahlavi o curt Reza Pahlavi (persian:رضا پهلوی) es un politico de Iran. Il nascet ye li 31-im de octobre 1960 in Teheran quam max old filio del sha Mohammad Reza Pahlavi, quel regnat in li Iran autoritativmen inter 1941 e 1979. Su matre es Farah Pahlavi.
Reza Pahlavi esset nominat de su patre Mohammad Reza Pahlavi in li octobre 1967 in li etá de sett annus quam prince heredari de Persia. In li annu 1978 Reza Pahlavi eat al Unit States de America e fat un education quam militari pilot. Reza Pahlavi studiat political scientie in Los Angeles.
In li annu 1979 li islamic revolution in Iran finit li regnantie de su patre Mohammad Reza Pahlavi, qui morit ye li 31-im de octobre 1980. Il declarat su quam nov sha in li annu 1980, ma to ne havet political consequenties pos li fine del regnantie de su familie.
In li annu 1986 Reza Pahlavi maritat Yasmine Pahlavi in li Unit States de America. Li cuple have tri filias e li max old filia es Noor Pahlavi, qui nascet in li annu 1992.
Reza Pahlavi e su familie habitat in Morocco, Paris (Francia) e Unit States de America. Desde li annu 1996 il habita con su familie in Potomac (Maryland) in li Unit States de America.
Reza Pahlavi es un del max important politicos del iranian oposition in li exilie contra li islamist-teocratic regime in Iran.
In li annu 2013 Reza Pahlavi fundat li National Consilie de Iran in Paris (Francia) por assemblar li oposition in Iran. Il devenit un important political figura in li protestes e demonstrationes in Iran contra li islamist regime in Iran in li annus 2025 e 2026.
Reza Pahlavi suportat li militari actiones del Unit States de America e de Israel contra Iran ye li 28-im de februar 2026.