Ricarda Huch
| Ricarda Huch | |
|---|---|
 | |
| Land |  Germania |
| Nascentie | 18-im de julí 1864 |
| Morte | 17-im de novembre 1947 in Kronberg im Taunus |
| Ocupation | Autoressa, Filosofa, Historico |
Ricarda Octavia Huch esset un féminin autoressa, filosofa e historico de Germania. Ella nascet ye li 18-im de julí 1864 in Braunschweig e morit ye li 17-im de novembre 1947 in Kronberg im Taunus.
Ricarda Huch esset inter li unesim féminas in li german parlant landes qui fat su doctoratu in historie.
Por far su abitur Ricarda Huch translocat a Zúrich in Svissia proque puellas ne posset far durant ti témpor su abitur in Germania. Ella studiat in Zúrich historie, filologie e filosofie. Anc to ne vell esser possibil por féminas in Germania. In li annu 1892 Ricarda Huch fat su doctoratu in historie al universitá de Zúrich quam un del unesim féminas in li german parlant landes de ti epoca.
Pos su studies Ricarda Huch laborat quam secretaria al universitá de Zúrich e quam instructora a un scola por puellas. In li annu 1891 ella publicat un colection de poemas sub li masculin pseudonim Richard Hugo.
In li annu 1896 ella laborat quam instructora por german e historie in Bremen. Ricarda Huch decidet in li annu 1897 laborar quam líber autoressa in Vienna. Ta ella maritat in li annu 1898 li italian dentist Ermanno Ceconi e habitat con su marito inter 1898 e 1900 in Trieste. In li annu 1899 nascet su filia Marietta.
Ricarda Huch translocat in li annu 1900 a München. In li annu 1905 ella divorciat de Ermanno Ceconi e maritat in li annu 1907 Richard Huch, ma anc ti maritage esset divorciat in li annu 1911.
In li annu 1926 Ricarda Huch esset acceptat quam unesim fémina quam membre in li Prussian Academie del Artes.
Ricarda Huch esset contra li Nationalsocialisme in Germania, ma restat in li land. Ella ne esset arestat, ma ne posset plus publicar in Germania. In proteste contra li nationalsocialistes Ricarda Huch abandonat ja in li annu 1933 du membritá in Prussian Academie del Artes.
Ovre
[modificar | redacter fonte]Quam historico Ricarda Huch scrit pri li romantica, li Guerre de Triant Annus e pri li German Revolution de 1830. Ella anc scrit poemas, racontas, romanes e anc filosofic ovres.
Important ovres:
- 1891 Gedichte (Poemas)
- 1893 Erinnerungen von Ludolf Ursleu dem Jüngeren (roman)
- 1899: Blütezeit der Romantik
- 1902: Ausbreitung und Verfall der Romantik
- 1903: Vita somnium breve (plu tard: Michael Unger bekannt)
- 1906: Aus der Triumphgasse (roman)
- 1908: Das Risorgimento
- 1910: Der Hahn von Quakenbrück (humoristic novelle)
- 1912–1914: Der große Krieg in Deutschland (Tri tomes historic ovre pri li Guerre de Triant Annus)
- 1913: Der Fall Deruga (criminal roman)
- 1913: Michael Bakunin und die Anarchie
- 1917: Neue Gedichte (Nov poemas)
- 1925: Freiheitskampf der Gemeinde von Trient
- 1934–1949: Deutsche Geschichte (German Historie in tri tomes)
- 1944 Herbstfeuer (Foy del autun) (poemas)
- 1946 Ursel (Political raconta)