Roman Polanski
| Roman Polanski | |
|---|---|
 | |
| Land |  Francia,  Polonia |
| Nascentie | 18-im de august 1933 in Paris, Francia |
| Ocupation | Film-director, film-producent, actor |
Roman Polanski, nascet quam Raymond Roman Thierry Liebling, es un famosi e disputat film-director e film-producent de cinemá de Francia e Polonia . Il nascet ye li 18-im de august 1933 in Paris, Francia e ganiat in li annu 2003 li Oscar-premie por li film The Pianist in li annu 2003.
Roman Polanski nascet in Paris, su patre esset un hebréo de Polonia e su matre de Russia. In li annu 1937 su familie translocat a Kraków in Polonia. Durant li german ocupation inter 1939 e 1945 Roman Polanski vivet sub falsi identitá in un altri familie e supervivet li holocaust.
Roman Polanski studiat al Film-scola in Łódź e al Academie de Fin Artes Film in Kraków. Desde li annu 1953 Roman Polanski esset activ quam actor.
In li annu 1962 Roman Polanski directet su unesim film Nóż w wodzie (Cultelle in li Aqua). Quelc annus plu tard il translocat a Francia e al Reyatu Unit. In li annu 1968 Roman Polanski eat al Unit States de America e directet in li sam annu li famosi horror-film Rosemary's Baby. In li annu 1974 il directet li film Chinatown. Til nu Roman Polanski fat 23 filmes.
Roland Polanski es maritat por li triesim vez. Su duesim marita, li US-american actoressa Sharon Tate esset mortat cruelmen de un obscur secte in li annu 1969. Roman Polanski have tri infantes.
In li annu 1977 Roman Polanski esset acusat in li Unit States de America que il ha violat un puella in li etá de 13 annus e que il ha dat a ella drogues. Il esset condamnat, ma il fugit a Paris in Francia. Anc altri féminas inculpat Roman Polanski que il ha violat las.