Rosa Luxemburg
| Rosa Luxemburg | |
|---|---|
 | |
| Land |  Germania |
| Nascentie | 5-im de marte 1871 in Zamość |
| Morte | 15-im de januar 1919 in Berlin |
| Ocupation | Filosof, Politico |
Rosa Luxemburg esset un comunist filosof, féminin politico e ideolog de Germania. Ella nascet li 5-im de marte 1871 in Zamość (hodie Polonia) e esset mortat ye li 15-im de januar 1919 in Berlin de extrem-dextri activistes. Rosa Luxemburg ha devenit un icone de adherantes de radical levul political idés in Germania e Europa.
Rosa Luxemburg esset de judeic orígine. Ella esset activ in li socialdemocratie. Ella studiat in Zúrich (Svissia) economie, jurisprudentie, historia e matematica. Rosa Luxemburg fat su doctoratu in economie in li annu 1887 al universitá de Zúrich.
Rosa Luxemburg devenit un del max important teoreticos del german socialdemocratie e ella esset un adherante del teories del marxisme. In li comense del Unesim Guerre Mundal Rosa Luxemburg abandonat li Socialdemocratic Partise de Germania pro que li socialdemocrates suportat Germania in li guerre. Pro su critica del militarist politica del german guvernament Rosa Luxemburg esset duvez arestat durant li guerre.
Rosa Luxemburg fundat juntmen con Karl Liebknecht li marxist organisation Spartakusbund, quel esset contra li Unesim Guerre Mundal. Ex li Spartakusbund e altri organisationes esset fundat inter li 30-im de decembre 1918 e 1-im de januar 2019 li Comunist Partise de Germania.
Rosa Luxemburg esset activ quam jurnalist por li jurnales del marxist e comunist organisationes, oratora e publicist.
Rosa Luxemburg credet que bastamentes de laboreros posse creat political revolutiones e que ne partises posse inicia revolutiones.
Rosa Luxemburg esset mortat durant li rebellion del Spartakusbund in li januar 1919 in Berlin per membres del dextri Freikorps.