Sint Maarten

Sint Maarten
Sint Maarten
Aquage	Atlantic Ocean
Land	Nederland


Area	34 quadrat-kilometres
Habitantes	58.477 (2024)
Cité capital	Philipsburg
Maxim altore	Mount Flagstaff (383 metres)
Carte de Sint Maarten

Sint Maarten es un autonom land de Nederland in li sud-caribica in li west parte del Atlantic Ocean. It es li sudal parte del insul Sant Martin, li nordal parte Saint Martin apartene al Francia. Anc quelc ínhabitat insulettes e roccas a apartene a Sint Maarten.

Sint Maarten esset parte del archipelago Nederlandes Antilles e apartene a Nederland. Li cité capital Sint Maarten es Philipsburg.

Sint Maarten have secun un estimation in li annu 2024 58,477 habitantes e un area de 34 quadrat-kilometres.

Li oficial lingues de Sint Maarten es nederlandes e anglesi.

Por li economie de Sint Maarten li sector de bankes have un grand importantie. Sint Marten have con li Princess Juliana International Airport un international aeroportu. Li cité capital Philipsburg have un portu in quel anc plesur-viage bateles posse abordar.

Historie

1493 Christopher Columbus descovrit li insul, ma ne debarcar, ma it devenit parte de Hispania. Li insul esset descovrit ye li 11-im de novembre e pro to it recevit li nómine del santo Sant Martin.
1631 Nederland fundat un colonia sur Sint Maarten.
1633 Hispania conquestat li insul Sant Martin.
1648 Hispania abandonat li Sant Martin e Nederland controlat it, ma anc Francia volet posseder li insul. In li Tractate de Concordia li insul es dividet inter Nederland e Francia.
1983 Sint Maarten devenit un Territoria de insul de Nederland del Nederlandes Antilles.
2010 Li Nederlandes Antilles es dissoluet e Sint Maarten devenit un federal land de Nederland.
2017 Li urgane Irma destructet 70 percentes del infrastructura de Sint Maarten.

Politica

Sint Maarten have un propri parlament e un propri guvernament. Li chef del state es li rey del Nederland.

Chef del state: Rey Willem-Alexander de Nederland
Prim-ministre: Luc Mercelina

Sport

Li max popular sport in Sint Maarten es cricket. Li National football representation de football de Sint Marten es membre in continental football-asociation CONCACAF, ma ne es membre del asociation mundal de football FIFA.