Temperatura

De Wikipedia

Un temperatura es un comparativ, objectiv mesura de calid e frigid. It es mesurat, tipicmen con un termometre, per li expansion in grandore de un materiale termometric, detection de radiation caloric, o per velocita de particules o energie kinetic. It posse esser calibrat in alcun de varie grades de temperatura: Celsius, Fahrenheit, Kelvin, etc.

Vibration termic de un segmente del helice alpha de un proteine. Li amplore del vibrationes cresce con temperatura.

Mesurationes usant un micri thermometro, o per detection de radiation caloric, posse monstrar que li temperatura de un córpor material posse variar temporalmen e de loco a loco intra it. Si changes ocurre tro rapidimen, o con tro micri un distantie, intra un córpor, it posse esser ínpossibil de definir su temperatura. Talmen li notion de temperatura generalmen ha un contente empiric.

Quande conditiones permisse li definition de temperaturas, it governa li direction de transferte caloric inter córpores. Intra un córpor que exchangear null energie o materie con su circumité, temperatura tende de devenir uniformi spacialmen per témpor. Quande un via permeabil solmen de calore es aperte inter du córpores, energie sempre transfere spontanmen qual calore de un plu calid córpor de un plu frigid un.

Li teoria kinetic indica li temperatura absolut quam proportional al medie energie kinetic del hasardal motiones microscopic de lor constituent particules microscopic quam electrones, atomes, e molecules.

Li max frigid temperatura teoretic es nominat zero absolut. It posse esser aproximat ma non atinget in un actual sistema fisic. It es designat per 0 K sur li scale Kelvin, -273.15 °C sur li scale Celsius, e -459.67 °F sur li scale Fahrenheit. In materie a zero absolut, li motiones de microscopic constituentes es minimal.

Vide anc[modificar | redacter fonte]

Referenties[modificar | redacter fonte]