Tracy Austin
| Tracy Austin | |
|---|---|
 | |
| Land |  USA
|
| Nascentie | 12-im de decembre 1962 in Palos Verdes, California |
| Ocupation | Ex-sportista, ex-ténnis-lusora |
Tracy Austin es un ex-professional ténnis-lusora de USA. Ella nascet li 12-im de decembre 1962 in Palos Verdes, California e esset activ quam professional ténnis-lusora inter 1978 e 1983.
In li etá de 16 annus Tracy Austin 1979 ganiat li Grand Slam-torney in New York. Anc in li annu 1981 ella ganiat ti torney. In li ténnis rang-liste mundal del WTA Tracy Austin esset 21 semanes ye li rang 1.
Durant su cariera Tracy Austin ganiat 30 WTA-torneys e sep ITF-torneys in li singul. In li duple ella ganiat quar WTA-torneys. Tracy Austin ludet inter 1978 e 1980 por li Unit States de America in li Federations Cup.
Tracy Austin devet finir su cariera ja in li annu 1983 in li etá de 22 annus pro problemas sanitari. In li annu 1989 ella havet un dangerosi trafic-accidente.
Ella provat retornar al ténnis-munde in li annus 1993 e 1994, ma ella restat sin successe e finit su cariera finalmen in li junio 1994.
Tracy Austin maritat Scott Holt e li cuple have tri filios.
Tracy Austin es 1,65 metres alt.