Tur de Germania in 1937 del Duc e Ducessa de Windsor

Un visite esset efectuat a Nazi Germania in 1937 per Edward, Duc de Windsor, e Wallis, Ducessa de Windsor. Hante abdicat li tron britannic in decembre 1936, li fratre del duc devenit rey. Poy on dat Edward li titul Duc de Windsor, e il maritat Wallis Simpson in junio 1937. Tande il semblat simpatic a Germania e anunciat in septembre que il intentet viagear privatmen a Germania por efectuar un tur de usines. Benque su interesse esset oficialmen ti de un resercha pri li conditiones social e economic del classe laboratori, in li circumage trovat se un Europa quel comensat denov li preparationes por un nov guerre. Li apoyantes del Duc videt in il li rol de un pacificator inter Britannia e Germania, ma li guvernament de Britannia refusat aprobar un tal rol e stat contra li tur, credente que li Nazis vell utilisar li presentie del Duc por propaganda. In plu, su fémina rejectet del britannic etablissement, Windsor volet dar la li experientie de un visite statal. Il promesset al guvernament que li tur vell esser efectuat relativmen silentmen, e li tur evenit inter li 12 e 23 de octobre.