Uma Thurman
| Uma Thurman | |
|---|---|
 | |
| Land |  USA |
| Nascentie | 29-im de april 1970 |
| Ocupation | Actoressa, Foto-modelle |
Uma Karuna Thurman es un actoressa de cinemá e television e foto-modelle del Unit States de America. Ella nascet ye li 29-im de april 1970 in Boston, Massachusetts e ella devenit famosi per luder li rol de Mia Wallace in li film Pulp Fiction de Quentin Tarantino in li annu 1994.
Uma Thurman es activ quam actoressa desde li annu 1985. Ja in li etá de 15 annus Uma Thurman laborat quam foto-modelle e aparit in li annus 1985 e 1986 sur li covriment del revue Vogues. In li annu 1988 ella ludet in li film Dangerous Liaisons .
Uma Thurman ludet in romantic comedies, dramas, scientic fiction e action filmes. In li annu 2003 ella ludet li cardinal rol in li action film Kill Bill: Volume 1 de Quentin Tarantino e li continuation Kill Bill: Volume 2 in li annu 2004. In li annu 2018 ella ludet li rol de Madame Duret in li horror-film Down a Dark Hall.
Uma Thurman esset duvez maritat. Inter 1990 e 1992 ella esset maritat con li actor e film-director Gary Oldman del Reyatu Unit e inter 1998 e 2005 con li actor Ethan Hawke. Uma Thurman have tri infantes.