Urs Widmer
| Urs Widmer | |
|---|---|
 | |
| Land |  Svissia |
| Nascentie | 21-im de may 1938 |
| Morte | 2-im de april 2014 in Zúrich |
| Ocupation | Autor |
Urs Widmer esset un sviss autor, lector e traductor. Il nascet li 21-im de may 1938 in Basel e morit ye li 2-im de april 2014 in Zúrich.
Personal e professional vive
[modificar | redacter fonte]Li patre de Urs Widmer, Walter Widmer, laborat quam traductor, critico de litteratura e instructor a un gimnasium. Urs Widmer studiat germanistica, romanistica e historie in Basel, Montpellier e Paris. Il fat su doctoratu in li annu 1966 in Basel. Pos su studies Urs Widmer laborat quam lector in Olten e Frankfurt.
Desde li annu 1967 Urs Widmer laborat quam líber autor. Inter 1967 e 1984 il habitat in Frankfurt e laborat in li universitá de Frankfurt quam docente por nov german litteratura, ma il retornat in li annu 1984 a Svissia.
Urs Widmer esset maritat con May Perrenoud e cuple havet un filia.
Ovre
[modificar | redacter fonte]Urs Widmer creat romanes, racontas, essayes e pezzes de teatre. In li annu 2007 il ganiat li Premie de Friedrich Hölderlin. Desde li annu 2000 li ovres de Urs Widmer havet autobiografic trates. Su max successosi pezze de teatre esset Top Dogs, quel havet su premiere in li annu 1996.
Urs Widmer esset anc activ quam traductor.