Veronica Cartwright
| Veronica Cartwright | |
|---|---|
 | |
| Land |  Unit Reyatu,  USA
|
| Nascentie | 20-im de april 1949 in Bristol |
| Ocupation | Actoressa |
Veronica Cartwright es un actoressa del Reyatu Unit e Unit States de America. Ella nascet ye li 20-im de april 1949 in Bristol e ella ludet in li etá de 14 annus in li famosi film The Birds (Li avies) de Alfred Hitchcock li rol de Cathy Brenner in li annu 1963.
Veronica Cartwright nascet in Anglia, ma li familie translocat pos li nascentie de su junior sestra Angela Cartwright, qui es anc activ quam actoressa. Veronica Cartwright es activ quam actoressa desde li annu 1958.
In li annu 1978 Veronica Cartwright ludet in li scientic fiction-film The Invasion of the Body Snatchers con Donald Sutherland li rol de Nancy Bellicec. In li annu 1979 ella ludet li rol de Lambert in li famosiscientic fiction-film Alien de Ridley Scott. Ella ludet li Saturn Award-premie por ti rol in Alien. In li annu 1987 Veronica Cartwright ludet in li film The Witches of Eastwick (Li Sorcieras de Eastwick) e 2001 in li horror-comedie Scary Movie 2.
Inter 1998 e 2018 Veronica Cartwright ludet in quar episodes del tre successosi misterie-serie de television The X-Files.
Veronica Cartwright ganiat pluri premies quam actoressa. Ella esset trivez maritat. Su maritages con Richard Gates e Stanley Goldstein esset divorciat, su triesim marito, li actor e film-director Richard Compton, morit in li annu 2007. Ella have un infante con Richard Compton.