Voces (Film)
| Voces | |
|---|---|
| Director | Ángel Gómez Hernández |
| Film-productores | Feelgood Media. Kowalski Films, LaNube, Estudio V |
| Scernarie | Santiago Díaz |
| Genere | Horror |
| Actores principal | Rodolfo Sancho, Ana Fernández García, Ramón Barea, Belén Fabra |
| Annu | 2020 |
| Durada | 97 minutes |
| Lingue | hispan |
| Pais | Hispania |
Voces es un horror-film de Hispania ex li annu 2020. Li director del film esset Ángel Gómez Hernández.
Sinopse del film
[modificar | redacter fonte]Daniel e Sara, con lor filio Eric, transloca a un nov casa por renovar e vendir it. Ili ne save que li dom es conosset in li village quam Li dom del voces. Li 9 annus havant Eric es li prim victime del dom. Il audi strangi voces, ma su genitores ne crede le. Un nocte li patre Daniel trovat su filio Eric mort in li bassine.
Daniel contacte li para-psicologo e autor del libres Germán Domingo por auxilie. Germán Domingo e su adult filia Ruth veni al dom por auxiliar. Ruth descovrit que li dom esset in li medievie esset un loc del inquisition. Mult féminas esset torturat e executet in li dom quam sorcieras. Un fémina esset vermen un sorciera e venja se. Anc Sara, li marita de Daniel, es mortat.
Germán Domingo finit li horrore per combuster li córpore del sorciera in li céllar del dom, benque su filia, qui es obsedet per li spiritu del sorciera, ataccat le per un cultelle. Germán Domingo supervivet li atacca e li obsession de su filia fini. Daniel Velasco memora nu que il anc esset obsedet e que il mortat su filio in li bassine. Daniel fusila se self al margine del bassine.
Actores
[modificar | redacter fonte]- Rodolfo Sancho quam Daniel Velasco
- Belén Fabra quam Sara Velasco
- Lucas Blas quam Eric Velasco
- Ramón Barea quam Germán Domingo
- Ana Fernández García quam Ruth Domingo
Production e distribution
[modificar | redacter fonte]Voces esset li unesim film del film-director Ángel Gómez Hernández. In li cinemás de Hispania li film esset monstrat depos li 24-im de julí 2020. Netflix monstra li film in su programma.
Critica
[modificar | redacter fonte]Li critica del film esset mixtet.