Benjamin Netanyahu

De Wikipedia
Benjamin Netanyahu 2010

Benjamin Netanyahu es un politico de Israel. Il nascet li 21-im octobre 1949 in Tel Aviv (Israel) e es desde li 29-im de decembre 2022 prim-ministre de Israel, il ja esset inter li 10-im de februar 2009 e li 13-im de junio 2021 prim-ministre de Israel. Il es li presidente del conservativ partise Likud. In li question del relation al palestinenses Netanyahu es egardat quam un adherente de un fort politica.

Personal e professional vive[modificar | redacter fonte]

Benjamin Netanyahu es maritat por li triesim vez. Con su actual marita Sarah il have du infantes. Ex su unesim maritage il have un filia Noa. Benque Benjamin Netanyahu nascet in Israel il adultijat e esset in li scola in li Unit States de America. Il studiat in architectura in li Massachusetts Institute of Technology (MIT) e political scienties in li Universitá de Harvard. Su joc-nómine es Bibi.

Inter 1976 e 1978 Il laborat quam consultant por li Boston Consulting Group. Il fundat li Jonathan Institute quel il directet til li annu 1980. Poy il retornat a Israel. Inter 1980 e 1982 il esset activ quam menagero in Israel. In li annu 1982 il comensat laborar in li ambassade de Israel in li Unit States de America. In li annu 1984 Netanyahu devenit representante de Israel che li Organisation del Unit Nationes. ll retornat 1988 a Israel e comensat un political cariera.

Political cariera[modificar | redacter fonte]

  • 1988 Netanyahu devenit membre del parlament de Israel por li partise Likud e devenit vice-ministre de externi aferes.
  • 1996-1999 Prim-ministre de Israel.
  • 2002-2003 Ministre por externi aferes de Israel.
  • 2003-2005 Ministre por financies.
  • 2006-2009 Chef del oposition in li parlament de Israel
  • 2009-2021 Prim-ministre de Israel.
  • 2022 Benjamin Netanyahu devenit ye li 29-im de decembre 2022 prim-ministre de Israel.