Dilma Rousseff

De Wikipedia
Saltar a: navigation, serchar
Dilma Rousseff

Dilma Vana Rousseff es li actual presidente de Brasil. El nascet li 14 de decembre 1947 in Belo Horizonte. Su patre Pétar Russéw (Pedro Rousseff) esset un comunist ex Bulgaria.

Rousseff studiat economica in li universitás del Belo Horizonte e Porto Alegre. El esset activ in li resistentie contra li dictatura militari in su país.

Desde li annu 2000 Dilma Rousseff es activ in li levul Partido dos Trabalhadores Partise del Labore. El esset ministre por energie in li cabinette del presidente Luiz Inácio Lula da Silva. In li annu 2005 el devenit li chef de cabinette del presidente Lula da Silva.

Lula da Silva proposit Dilma Rousseff in li februar 2010 quam su successor in li oficie del presidente. El esset electet quam nov presidente in li duesim rond li 31 de octobre 2010.

Li unesim de januar 2011 Dilma Rousseff devenit oficialmen presidente de Brasil.