Fahrudin Radončić
Fahrudin Radončić es un politico e interprendero de Bosnia e Herzegovina. Il nascet li 24-im de may 1957 in Berane (hodie: Montenegro). Il es li proprietario del jurnal Dnevni Avaz e li fundator e presidente del partise Alliantie por un Melior Futur de Bosnia e Herzegovina/SBB.
Personal e professional vive[modificar | redacter fonte]
Secun nationalitá Fahrudin Radončić es bosniako, ma il originat del region de Sandžak quel es hodie dividet inter Serbia e Montenegro. Radončić adultijat in li cité Plav in Montenegro.
Desde 1978 il labora quam jurnalist e redactor. Inter 1983 e 1988 il esset funcionario in li Socialistic Federal Republica Yugoslavia. Il esset demisset pro su critica contra li nationalistic politica del presidente de Serbia Slobodan Milošević.
In li annu 1989 il comensat laborar quam jurnlalist por li jurnal Danas in Zagreb (Croatia). In li sam annu il publicat li libre 10.000 dies de sclavitá. In ti libre il criticat li politica de Serbia in Kosovo.
In li annu 1991 il fundat li editoría Avaz. In li Guerre Intern de Bosnia e Herzegovina inter 1992 e 1993 Fahrudin Radončić esset li parlator del Armé de Bosnia e Herzegovina por li presse. Con suporte del presidente del Bosnia e Herzegovina Alija Izetbegović e su Partise del Democratic Action/SDA il comensat publicar li jurnal semanal Bošnjački avaz in li novembre 1993.
In li annu 1995 il comensat publicar li jurnal diari Dnevni Avaz quel es til hodie li bosnian jurnal con li max grand circulation. Il anc publica altri jurnales quam jurnal Globus e li jurnal Azra por féminas e li jurnales semanal Express e Sport Avaz. Radončić es anc li proprietario del station de television TV Alfa.
Fahrudin Radončić es anc activ quam interprendero in li construction de grand edificies. In li annu 2000 il constructet un grand buró-edificie in Sarajevo quel es hodie li centrale del Hypo Alpe Adria Bank in Bosnia e Herzegovina. In li annu 2004 il constructet li modern hotel Radon Plaza Hotel e in li annu li buró-edifice Avaz Twist Tower, quel have etages.
Fahrudin Radončić es divorciat se su marita Azra Radončić.
Political cariera[modificar | redacter fonte]
Fahrudin Radončić longmen ne esset membre de un political partise, ma su jurnales longmen apoyat li Partise del Democratic Action/SDA e il havet strett relationes con li chef del Islamic Comunitá de Bosnia e Herzegovina Mustafa Čerić, ma in li annu 2009 Radončić fundat su propri partise li Alliantie por un Melior Futur de Bosnia e Herzegovina]/SBB.
- 2009 Fahrudin Radončić fundat li Alliantie por un Melior Futur de Bosnia e Herzegovina]/SBB e deveni su presidente.
- 2010 Fahrdun Radončić candidat por li Presidentura del state de Bosnia e Herzegovina quam bosniak, ma il perdit ti election strettmen contra Bakir Izetbegović, ma su partise intrat in li parlamentes.
- 2012-2014 Inter li 22-im de novembre 2012 e li 13-im marte 2014 Fahrudin Radončić esset ministre por securitá in li guvernament del state sub prim-ministre Vjekoslav Bevanda. Il esset demisset per li parlament pro su passivitá durant violent social protestes in li Federation Bosnia e Herzegovina.
- 2014 Fahrdun Radončić candida denov por li position del bosniak membre del Presidentura del state de Bosnia e Herzegovina por li Alliantie por un Melior Futur de Bosnia e Herzegovina].
Publicationes[modificar | redacter fonte]
- Adem Demaçi. Deset tisuca dana robije (Adem Demaçi. Mill dies del sclaveríe), Edition Danas, Zagreb 1990.
- Bosna ce opstati (Bosnia va restar), Edition Danas, Zagreb 1991.
- Goodbye, Bosnia (Adío, Bosnia), Danas Verlag, Zagreb 1991.