Netball

De Wikipedia
Netball

Netball es un team-sport por féminas e puellas. It es simil a basketball e es populari in li landes del Britannic Commonweath.

Li regules[modificar | redacter fonte]

Netball es ludet in un campe quel have un longore de 30,5 metre e un largore de 15,25 metre. Li scope del lude es metter li balle in li corbe. Li corbes es fixat sur li basic linea in un altore de 3,05 metre. In diferentie al basketball ne es un planca detra li corbes.

Un netball-match dura quar vez deci-quin minutes. Un match consiste ex quar quaresimes. Un quaresim dura deci-quin minutes.

Li campe es dividet in tri triesimes quel have un longore de 10,16 metre. Corbes es solmen valid si li balle es jettat del gol-cirle. It solmen permisset un indirect defense e ne un atacca al córpor del adversaria.

Un truppe consiste ex sett lusoras. Secun li position del lusora ella have solmen li permission cert partes del campe. Li positiones es:

  • un gol-gadera
  • un gol-defensora
  • un extern defensora
  • un centre-lusora
  • un extern-ataccera
  • un ataccera
  • un principal ataccera

Historie[modificar | redacter fonte]

Netball esset inventet in li fine del 19-im secul quam variation del basketball por féminas. Li unesim regules de Netball esset etablisset de Martina Bergman-Österberg in Hampstead, London (Anglia). It devenit un sport por scoleras in landes quel esset sub li regne del Reyatu Unit. In li annu 1960 li regules esset internationalmen standartisat. Antey existet diferent regules in diferent landes.

Organisation del sport[modificar | redacter fonte]

In li annu 1960 esset organisat li International Netball Federation. Desde li annu 1963 eveni omni quar annus li Championatu Mundal de Netball. Desde 1998 Netball es anc in li programma del Commonwealth Ludes. Hodie netball es ludet de circa 20 milliones homes in plu quam 70 landes.