Prostata

De Wikipedia
Li prostate e li seminal vesicul de un mann

Li prostata es un glandulatri organ del mascules, e del mascul homes e del mascul mammiferes. It inveloppa li initial parte del uretre e apartene al classe del glandules in composit grappes.

Anatomicmen, li prostata have li forme e li volumine de un castanie. Tamen su volumine varia secun li etá. Che li oldes it posse atinger li volumine de un ove de un gallina. It es trapassat per li canale de uretre e it da un passage al ejaculatori canales.

Fisiologicmen, it have un duplic function: Quam glandulatri organe it possede un propri secretion, li prostatic liquide. It es un liquide blancatri, spess, qual constitue quasi un lubrificant, ma quel ne possede un fecundant proprietá. In ultra it es un contrabile quel pulse in li canale de uretre li spermatic liquide.

Maladies de prostata[modificar | redacter fonte]

Li morbes de prostata es sat frequent. Che li adult mannes on trova li acut prostatite e li prostatic abscesses debit, por li pluparte al gonococco. Li cronic prostatite de quel li cause es probabilmen li blenoragie. Che li mannes ha preterpassat li etá de quinanti annus, on trova li hipertrofie del prostata e li carcere del prostata.