Religion

De Wikipedia
Saltar a: navigation, serchar
ReligijneSymbole.svg

On nómina Religion un systema de credes pri li existentie de afferes trans li sensual experientie, quel es inradicat in plu grand gruppes de homes. Religiós homes directe su vive secun un totalitá, quel da it su sence.

In li occidental munde on sovente resumma ti explication del munde o instruction por un bon vive, quel evoluet-se in tre long traditiones, sur li base del christan tradition per li curt formula "crede". Ci it acte se pri li maxim soventmen institutionalisat e organisat crede in un o pluri personal o anc impersonal transcendent entes (p. ex. un deitá, spíritus e ancestres) e/o principies (p. es. Dao, Dhamma) e/o altri idées, quam p. ex. Nirvana e Transmunde.

Ma li occidental perspective de un definition per li notion "crede" ne considera omni religiones, proque ti términe in quelc religiones ne o presc ne existe e dunc ne posse esser li propri signe de ti religion.

Un altri problema es li definition de un communité quam religion. Alquel religiones es basat su philosophic systemas, in altre li politic orientation o li spiritualitá es tre characteristic. Un clar limitation es impossibil, intersectiones es trovabil in presc omni religiones e principialmen in li reception per singulari homes. Propri al max mult religiones es instructiones de salvation, systemas de symboles e rituales. Sur ti base on fa populari categorisationes.

Exemples por conosset religiones es judaism, christianism, Islam, hinduism, buddhism, daoism, confuzianism, sikhism, Shinto e Baha'i.

Per li scientic exploration de religiones occupa se principialmen li scientie de religiones/historie de religiones, sociologie de religiones, phenomenologie de religiones e li philosophie de religiones.

Null definition de religion trova in li divers scienties general acceptantie. In li scientie de religiones, p. ex., existe mult divers definitiones li un apu li altri.


Religiones
CristianismeJudeismeIslamBudhismeHinduisme