Ólafur Ragnar Grímsson

De Wikipedia
Saltar a: navigation, serchar
Ólafur Ragnar Grímsson

Ólafur Ragnar Grímsson es un politico de Island. Il nascet li 14-im de may 1943 in Ísafjörður e es desde li annu 1996-2016 li presidente de Island.

Personal e professional vive[modificar | redacter fonte]

Ólafur Ragnar Grímsson studiat in li universitá de Manchester (Reyatu Unit) economie e political scientie inter 1962 e 1970. Il esset in li annu 1970 li unesim person de Island qui have un doctoratu in political scientie. In li annu 1970 Grímsson comensat docer political scientie in li Universitá de Island in Reykjavík. In li 1973 il devenit li unesim professor de political scientie in Island.

Inter 1980 e 1983 il esset li editor del jurnal Þjóðviljinn.

In li annu 1974 Ólafur Ragnar Grímsson maritat Guðrún Katrín Þorbergsdóttir e li cuple havet du gemelle-filias Guðrún Tinna e Svanhildur Dalla qui nascet ambi in li annu 1974. In li annu su marita Guðrún Katrín Þorbergsdóttir morit pro leukemie.

In li annu 2003 Ólafur Ragnar Grímsson maritat Dorrit Moussaieff qui origina de Israel.

Political cariera[modificar | redacter fonte]

Til li annu 1996 Grímsson esset membre del levul socialist Alliantie del Popul.

  • 1978-1983 Ólafur Ragnar Grímsson esset membre del Alting, quel es li parlament de Island, por li Alliantie del Popul.
  • 1980-1983 Grímsson ductet li fraction del Alliantie del Popul in li Althing.
  • 1983-1987 Il esset presidente del executiv comité del Alliantie del Popul.
  • 1987-1995 Presidente del Alliantie del Popul.
  • 1988-1991 Grímsson esset ministre por financies in li guvernament de Steingrímur Hermannsson inter li 28-im de septembre 1988 e li 30-im de april 1991.
  • 1996 Ólafur Ragnar Grímsson esset electet quam índependent candidate al presidente de Island con 41,4 percentes.
  • 2004 Grímsson refusat quam unesim presidente de Island signar un lege. Anc pro su resistentie contra li lege del medies il esset electet denov al presidente de Island e recivet 85,6 percentes.
  • 2008 Grímsson es denov electet quam presidente de Island, il mem esset li sol candidate.
  • 2012 Grímsson esset electet por li quinesim vez al presidente de Island.