Điện Biên Phủ

Điện Biên Phủ es un cité situat in li region nord-west de Vietnam. It es li capital del provincia Điện Biên. Li cité es max conosset pro li decisiv Batallie de Điện Biên Phủ, quel evenit durant li Prim Guerra de Indochina por independencia contra Francia. Li region es un centrum de cultura ethnic Thai. In anterior historie, li cité esset anc nominat Muang Thaeng.

Điện Biên Phủ es situat in li Valle Mường Thanh, un bassine de 20 km (12 mi) long e 6 km (3,7 mi) larg, quel es a vezes descriet quam "cordiforme." It es situat al bordi west del provincia Điện Biên, de quel it es li capital, e es solmen circa 10 kilometres (6,2 mi) del frontiera con Laos.

Til li creation del provincia in 2004, Điện Biên Phủ esset parte del provincia Lai Châu. Li governament vietnamese elevat Điện Biên Phủ al status de urbe in 1992, e al status de cité in 2003.