Živko Budimir

Živko Budimir es un politico de Bosnia e Herzegovina. Il nascet li 20-im de novembre 1962 in Vir proxim de Posušje (hodie: Bosnia e Herzegovina e il esset inter li 17-im de marte 2011 e li 10-im de februar 2015 li presidente del Federation Bosnia e Herzegovina. Secun nationalitá Budimir es croat e il es li presidente del partise Partise de Justicie e Confidentie/SPP.

Personal e professional vive

Budimir finit in li annu 1981 li militari avion scola in Rajlovac in li proximitá de Sarajevo e in li annu 2000 il finit un pluri militari scola. Živko Budimir esset professional soldate in li armé del Socialist Federativ Republica Yugoslavia.

Durant li guerre intern in Yugoslavia in combattet in Croatia e in Bosnia e Herzegovina. In li Guerre Intern de Bosnia e Herzegovina il esset desde 1993 un membre del croatian militari organisation HVO. Il havet alt oficies in li stabe del HVO e del armé de Bosnia e Herzegovina pos li fine del guerre intern.

In li 1997 il translocat a Mostar e in li annu 2001 il esset pensionat quam oficero del armé de Bosnia e Herzegovina. In li HVO il esset in li rang del colonel e in li armé de Croatia il esset in li rang del general-major. Pos su pension il devenit sport-functionario in Mostar.

Il es maritat con Darija Budimir (nascet Kuna) e li cuple have un filia Lucija e du filios Luka e Borna.

Political cariera

Quam oficero in ex-Yugoslavia Živko Budimir devet esser membre del Liga del Comunistes de Yugoslavia. Il esset membre del comunist partise inter 1979 e 1986.

• 2006 Živko Budimir devenit membre del Crotian Partise del Jure de Bosnia e Herzegovina/HSP.
• 2008 Budimir esset electet quam membre del consilie del cité de Mostar por li HSP.
• 2011-2015 Li 17-im de marte 2011 li parlament del Federation Bosnia e Herzegovina electet le quam presidente del Federation Bosnia e Herzegovina. Il esset in ti oficie til li 9-im de februar 2015 quande li parlament del Federation Bosnia e Herzegovina electet Marinko Čavara quam su successor.
• 2012-2014 Budimir impedit un reconstruction del guvernament in li Federation Bosnia e Herzegovina pos li Social Democratic Partise de Bosnia e Herzegovina volet changear li partneros in in guvernament.
• 2013 In li marte 2013 Budimir forlassat li Crotian Partise del Jure de Bosnia e Herzegovina e fundat li Partise de Justicie e Confidentie/SPP. Budimir devenit presidente del SPP.
• 2013 In li 26-im de april 2014 Budimir esset arestat pro li pretexte que il ha pardonat criminardes por pecunie. Il es liberat li 24-im de may 2013 pro li manca de pruvas por ti reproches.
• 2014 Budimir candidat sin successe por li position del croat membre in li Presidendura del State de Bosnia e Herzegovina quam candidate de su Partise de Justicie e Confidentie/SPP. Il recivet 6,27 percentes e 15.368 votes e finit ye li 3-im rang inter li croat candidates detra Dragan Čović e Martin Raguž. ma ante Anto Popović.