Adopt-a-Highway

Li programma Adopt-a-Highway (Adopte-un-Auto-Strada), e li tre simil Sponsor-a-Highway (Mecena-un-Auto-Strada), es campanies promotional iniciat per states del Unit States, provincias e territorias de Canada, e quelc guvernamentes national éxter de Nord-America pro incitar voluntarios mantener un section de un auto-strada líber de jettallia. In exchange por li regulari removal de jetallia, un organisation (quam Cub Scouts o Knights of Columbus) es permisset haver lor nómine afichat sur un signe in li section del auto-stradas queles ili conserva.

Historie

Li programma originat in li annus 1980 quande James Evans, un ingeniero por li Departement de Transport de Texas (TxDOT), videt jettallia volant ex un camionette. Li nettation de jettallia per li cité esset expensiv, dunc Evans serchat li auxilie de gruppes local pro mecenar li nettation de sectiones del auto-strada. Li eforties de Billy Black, un functionario de information public por TxDOT, ductet a cicles de nettation trimensual, formation de securitá por voluntarios, li distribution de giletes reflectiv e equipament, e li afichation de signes Adopt-a-Highway.

In 1985, li club Civitan de Tyler devenit li unesim gruppe a ofertar se, adoptent du milies (3,2 km) de U.S. Route 69 al nord de Loop 323 ínter Tyler e Interstate 20. Li programma monstrat se tre successosi e desde tande ha difuset se a 49 states, Puerto Rico, Canada, Nov-Zeland, Australia e Japan. Vermont es li sol state del Unit States sin un programma Adopt-a-Highway, ma have un programma simil nominat "Green Up", ú li nettation es fat per residentes del comunité.

In 1989, California devenit li 20-im state a developar un programma de control de jettallia de auto-strada quande li Departement de Transport de California comensat administrar li programma Adopt-a-Highway por auto-stradas statal. Li programma distinte ínter adoptiones voluntari e adoptiones mecen. Til 2021, plu quam 120.000 residentes de California ha participat in li programma pro remover jettallia, plantar árbores e flores savagi, remover graffiti, e eliminar vegetation along plu quam 15.000 milies (24.140 km) de strada-márgines.

Alcun states, quam Nevada, permisse e li programmas Adopt-a-Highway e Sponsor-a-Highway. In ambi programmas, un organisation quel contribue a nettation es permisset afichar su nómine. Támen, durant que un organisation adoptant provide li voluntarios queles fa li colection de jettallia, un organisation mecen paya contratantes professional por far li labor. Pro problemas de securitá, li duesim es plu tipic in auto-stradas con volúmines de alt trafic.