Alex Salmond

De Wikipedia
Saltar por navigation Saltar por sercha
Alex Salmond

Alexander Elliot Anderson Salmond es un politico de Scotia. Il nascet li 31-im de decembre 1954 in Linlithgow (Scotia) e esset inter annu 2007 e 2014 li prim-ministre de Scotia. Salmond esset inter 2004 e 2014 li presidente del Scot National Partise/SNP e su political scope es realisar un índependent state Scotia per finir li union inter Anglia e Scotia. Il resignat quam prim-ministre Scotia e presidente del Scot National Partise li 19-im de septembre 2014 pro li plebiscite pri li índependentie de Scotia quel esset rejectet per 55 percent.

Pro un judicial processu il forlassat li Scot National Partise in li annu 2018. Salmond fundat li Alba Partise in li annu 2021 e devenit li presidente de ti partise.

Personal vive[modificar | redacter fonte]

Alex Salmond studiat historie e economica in li universitá de St. Andrews. Inter 1978 e 1980 il laborat quam oficiario del guvernament del Reyatu Unit in Scotia quam economist in li division de agricultura. In li annu 1980 e 1987 il laborat quam economist in li bank Bank of Scotland.

Alex Salmond es maritat con Moira McGlashan e li cuple ne have infantes.

Polical cariera[modificar | redacter fonte]

  • 1971 Durant su studies Salmond esset activ in li studiantes-organisation del Scot National Partise.
  • 1987 Salmond devenit vice-presidente del Scot National Partise.
  • 1987-2010 Alex Salmond esset membre del parlament del Reyatu Unit.
  • 1990-2000 Salmond esset por li unesim vez presidente del Scot National Partise.
  • 2004 Salmond es electet denov quam presidente del Scot National Partise li 15-im de julí 2004.
  • 2004-2014 Salmomd esset presidente del Scot National Partise.
  • 2007 Salmond es electet quam membre del parlament de Scotia.
  • 2007 Li parlament de Scotia electet Salmond li 16-im e may quam prim-ministre de Scotia.
  • 2007-2014 Alex Salmond esset prim-ministre de Scotia.
  • 2011 Salmond es denov electet quam prim-ministre de Scotia e il consentit un referendum pri li índependentie de Scotia con li prim-minstre del Reyatu Unit por li annu 2014.
  • 2014 Salmond resignat quam prim-ministre de Scotia e presidente del Scot National Partise li 19-im de septembre 2014 pro li dessuccessat plebiscite pri li índependentie de Scotia
  • 2015 Alex Salmond candidat por li parlament del Reyatu Unit quam candidate del Scot National Partise in li districte electoral Gordon.
  • 2018 Alex Salmond forlassat li Scot National Partise pro un judicial processu contra se.
  • 2021 Alex Salmomd fundat li Alba Partise e devenit li presidente de ti partise.