Alexander Stubb
Alexander Stubb es un politico de Finland. Il nascet 1-im de april 1968 in Helsinki e esset inter li 24-im de junio 2014 e li 29-im de may 2015 prim-ministre de Finland. Stubb es li presidente del conservativ National Coalition Partise. Desde li 29-im de may 2015 il es ministre por financies in li guvernament de Juha Sipilä.
Personal e professional vive[modificar | redacter fonte]
Til li annu 1986 Alexander Stubb esset in scole de Daytona Beach in li Unit States de America e pos to un gimnasium in Helsinki. Pos li scole il fat su obligatori militari servicie. Stubb studiat political scientie in li Furman University in Greenville in li Unit States de America. Il finit su studies con li gradu de baccalaureo in li annu 1993. In li Europan Academia in Brugge (Belgia) Stubb fat un magistro in europan political aferes.
Inter 1995 e 1997 Stubb laborat in li ministerie de externi aferes de Finland e inter 1997 e 1999 il laborat quam scientist in li Academie de Finland. In li annu 1999 Stubb recivet li gradu del doctor de filisofie in li London School of Economics in li Reyatu Unit.
Il es maritat con Suzanne Innes-Stubb, qui es un advocate del Reyatu Unit. Li cuple have du infantes e habita in Espoo.
Political cariera[modificar | redacter fonte]
- 2004-2008 Membre del Europan Parlament por li conservativ National Coalition Partise.
- 2008-2011 Ministre de externi aferes de Finland.
- 2011-2014 Ministre por europan aferes e externi comercie de Finland in li guvernament de Jyrki Katainen.
- 2014 Stubb devenit li 14-im de junio 2014 presidente del National Coalition Partise
- 2014-2015 Stubb esset prim-ministre de Finland quam successor de Jyrkki Katainen inter li 24-im de junio 2014 e li 29-im de may 2015.
- 2015 Alexander Stubb devenit li 29-im de may 2015 ministre de financies in li guvernament de Juha Sipilä.