Alice Munro
| Alice Munro | |
|---|---|
| Land |  Canada
|
| Nascentie | 10-im de julí 1931 in Wingham, Ontario |
| Morte | 13-im de may 2024 in Port Hope, Ontario |
| Ocupation | Autoressa |
Alice Munro esset un autoressa de Canada. Ella nascet li 10 de julí 1931 in Wingham (Ontario) in li provincia Ontario in Canada quam Alice Ann Ladlaw e morit ye li 13-im de may 2024 in Port Hope (Ontario) in li etá de 92 annus. In li annu 2013 ella ganiat li Nobel Premie de litteratura. Munro es conosset quam autora de curt racontas.
Personal Vive
[modificar | redacter fonte]Quande ella havet 10 annus su matre maladijat a un rar forme del maladie Parkinson. Ella studiat jurnalisme al universitá de West-Ontario inter 1949 e 1951. Ma Alice Munro devet pro manca de pecunie finir su studie preliminarimen e ella maritat Jim Munro. Li cuple have quar filias, ma it divorciat in li annu 1972 e in li annu 1976 Alice Munro maritat li geograf Gerold Fremlin, qui morit in li april 2013.
Ovres
[modificar | redacter fonte]Ella publicat su unesim colection de novelles in li annu 1968 sub li nómine "Dance of the happy shades" (Li dansa del felici ombres). Til nun ella ha publicat deci colectiones de curt racontas e un roman. Li central tema del racontas de Munro es matres e filias. It es li unesim vez que un autor de Canada recive li Nobel Premie de litteratura. Munro ganiat li premie in li etá de 82 e es sovent nominat quam un "modern mastre de curt racontas". Ella morit ye li 14-im de may 2024 in li etá de 92 annus.