Ancian Roma

Expansion del Imperie.

Ancian Roma (in latin Antiqua Rōma) esset un union politic quel nascet del extension del cité de Roma, quel, in su apogé, extendet ex li Reyatu Unit til li Sahara e ex li Peninsul Iberic til li Eufrates. In li comense, pos su fundation in 753 a.C., Roma esset un monarchie etruscan. Poy, in li 509 a.C., it devenit un republica, e in li 27 a.C. it devenit un imperie. Al periode de maxim splendore, ti conosset quam pax romana pro su state de harmonie quel dominat in li regiones roman, li imperie conosset un periode de orde e ricchesse sub li dinastie Antonin (96-192), e in un gradu plu bass, sub ti del Severes (193-235). It furnit li elementes essential por li developpation de Occidente, e plu tard, del Est.

Historie

Li unesim romanes

Li situation de Roma es localisat along protohistoric rutes quel format axes strategic de comunication, permissente, in particular, li connection inter Etruria e Campania. It representat un majori punctu de passage inter li Via Campana e li Via Salaria (pavat ex li sabines in li 2^esim milenie a.C., conexet per li vada del Insul Tiber. Ti favorat li comercie de sal colectet in li morasses de sal de Ostia, quam li comercie de carne qui venit del transhumantie ex li Apenines.

Li archeologie monstra que Roma es plu old quam li autores ancian suggestet, qui volet localisar li orígine de lor cité in un passate legendari. Li unesim comunités colonisat li loc de Roma permanentmen (initialmen plagat de paludes e submisset al inundationes del Tiber) particularmen in li Palatin e altri colines roman desde li 10^esim secul (etá de bronze tard), in li forme de litt villages.

Li unesim romanes esset organisat in hederitari gruppes nominat gentes. Per un long témpor, ti-ci tip de division esset comun inter li max del indo-europanes. Chascun clan esset format per un gruppe de families que vivet sub li autoritá de un patriarch, nominat pater ("patre"). Chascun gens format un unité self-governat, e chascun membre de un gens particular dividet li sam jures e responsabilitás quam li altres. Chascun clan governat self sive democraticmen (chascun membre posset votar) o aristocraticmen (un gruppe de plu oldones resolvet li problemes).

Long ante li date traditional del fundation de Roma, un comunité coalescet in un confederation, con li cité de Alba Longa quam su punctu de incontra. Totvez, pos un cert témpor, li centre de ti-ci confederation changeat a Roma.