András Kállay-Saunders
.jpg)
András Kállay-Saunders es un cantator de Hungaria. Il partiprende in li annus 2014 in li Eurovision Song Contest (Europan Canzon Competition) por Hungaria. András Kállay-Saunders nascet li 28-im de januar 1985 in New York (Unit States de America).
András Kállay-Saunders nascet quam filio del hungarian mannequin Katalin Kállay e del us-american musica-productor Fernando Saunders. Su matre es ex li famosi hungarian nobil familie Kállai. In li annu 2011 il visitat su grand-matre in Hungaria e partiprendet in un national competition de musical talentes. Kállay-Saunders devenit quaresim in ti competition e comensat un musical cariera.
In li annu 2011 il publicat su unesim dísco e it esset tre successosi in Hungaria, sam quam li sequent quar canzones. Kállay-Saunders prepara su prim album.
In li annu 2014 il esset electet con su canzon Running (Currida) quam representante de Hungaria in li Eurovision Song Contest in Köbenhavn (Dania). Li tema del canzon es in diferentie de omni canzones del Eurovision Song Contest tre seriosi e narra pri un ver casu de infant-abusa. Li canzon atinget li finale e finit ye un bon 5-im position.
In li annu 2015 András Kállay-Saunders publicat sub li nómine Delivery Boy su unesim album.
es in un relation con li hungarian cantatoressa Renáta Tolvai.
Li textu de Running esset anc traductet in Interlingue in li internet.
Discografie
[modificar | redacter fonte]- 2011: Csak veled (Yo ama te)
- 2012: I Love You (Yo ama te)
- 2012: Tonight (Ho-nocte)
- 2013: My baby (Mi bebé)
- 2014: Running (Currida)
- 2015: Album: Delivery Boy