Andrej Babiš
.jpg)
Andrej Babiš es un politico e interprendero de Tchekia. Il es del slovacian orígine. Babiš nascet li 2-im de septembre 1954 in Bratislava (Slovacia) e esset inter li 13-im de septembre 2017 e li 17-im de decembre 2021 prim-ministre de Tchekia. Il li fundator e presidente del partise ANO 2011.
Personal e professional vive
[modificar | redacter fonte]Li patre de Andrej Babiš esset un diplomat del Tchecoslovakia e membre del Comunist Partise de Tchecoslovakia. Andrej Babiš passet su infantie in Geneva e Paris. Il studiat in li Universitá de Economie in Bratislava international comercie. Pos su studies Andrej Babiš laborat por li interprense Chemapol Bratislava quel plu tard portat li nómine Petrimex. Inter 1985 e 1991 il esset li representante de ti firma in Marocco.
Andrej Babiš es maritat por li duesim vez. Il es maritat con Monika Babišová desde li annu 2017 e divorciat de su unesim marita Beata Adamovičová. Andrej Babiš have quar infantes.
Cariera quam interprendero
[modificar | redacter fonte]In li comense li comercial activitás de Andrej Babiš esset concentrat in li sfere del agricultura. Il comprat li firma Agrofert e per it Babiš comprat plu e plu firmas. Hodie li Agrofert Holding es un del max grand interpreses de Tchekia. Agrofert Holding controla mult firmas in li chemical industrie, in li agricultura e li alimentes perlaborant industrie.
Poy il creat un imperie de mass-medies. Babiš comprat li firma MAFRA quel possede li du max grand jurnales de Tchekia Lidové noviny e Mladá fronta DNES, ma anc li canale de television Óčko e li radio-station Radio Impuls.
Quande Andrej Babiš ineat in li political scene, il oficialmen resignat quam general director de su firmas.
Political cariera
[modificar | redacter fonte]- 1980 Andrej Babiš devenit membre del Comunist Partise de Tchecoslovakia.
- 2011 Il fundat li populist partise ANO 2011 del populist partise ANO 2011.
- 2012 Andrej Babiš devenit li presidente.
- 2014-2017 Unesim vice-prim-ministre e ministre por financie in li guvernament de Bohuslav Sobotka.
- 2017 Andrej Babiš devenit li 13-im de septembre 2017 li prim-ministre de Tchekia.
- 2017-2021 Andrej Babiš esset inter li 13-im de septembre 2017 e li 17-im de decembre 2021 prim-ministre de Tchekia.
- 2023 Andrej Babiš candidat in li electiones presidential de Tchekia, ma perdit in li duesim rond contra Petr Pavel. In li unesim rond Andrej Babiš recevit 35 percentes e finit ye li duesim rang e in li duesim rond ye li 28-im de januar 2023 il perdit con 41,7 percents contra Petr Pavel.