Anne Frank

De Wikipedia
Saltar a: navigation, serchar

Anne Frank, nascet quam Annelies Marie Frank esset un del max discusset victimes del Holocaust per li nationalsocialist regime de Germania inter 1933-1945 e per su diarie un del max important testimon del persecution de judéos per li nationalsocialistes. Anne Frank nascet li 12-im de junio 1929 in Frankfurt e morit in li camp de concentration li marte de 1945 in Bergen-Belsen.

Anne Frank nascet quam duesim filia del judic cuple Otto Heinrich Frank e Edith Frank in Frankfurt. Anne Frank havet un sestra Margot Frank qui esset tri annus plu old quam ella. Li familie translocat a Amsterdam in Nederland in li annu 1933 pro li persecution de judéos in Germania per li nationalsocialist regime.

Pos li invasion de Nederland per Germania in li annu 1940 li judéos esset anc ta persecutet. Anne Frank devenit abandonar li scola in Amsterdam. Anne Frank recivet li 12-im de junio 1942 un nota-librette de su patre Otto Heinrich Frank quam don pro su 13-im anniversarie. Anne Frank comensat scrit in it su diarie.

Pro que li persecution de judéos in Nederland augmentat se, li familie translocat a un ocultuore. It esset un dom, li Achterhuis, quel havet un secret annexe. Victor Kugler, Johannes Kleiman, Miep Gies e Bep Voskuijl auxiliat li familie Frank in ti ocultuore. Anne Frank descrit in su diarie li vive in ti ocultuore e creat un important document pri li persection de judéos in li Triesim Imperie.

Li familie esset arestat in li matine del 4-im de august del annu 1944 per li german policie e deportat al camp de concentration Ausschwitz. Alquí hat trahit li ocultuore del familie al policie. Til hodie it es ínconosset qui hat fat to. Li unesim august de 1944 Anne Frank scrit su ultim págine in li diarie.

Anne Frank esset deportet a camp de concentration de Ausschwitz e li 28-im de octobre 1944 al camp de concentration Bergen-Belsen. Ta Anne Frank morit in li comense del marte 1945 versimil pro un maladie. Quelc dies ante ella, anc su sestra Margot Frank morit. Solmen su patre Otto Heinrich Frank supervivet li guerre.

Pos li areste del familie Frank in li Achterhuis Miep Gies trovat e salvat li diarie de Anne Frank. Ella dat it pos li guerre a Otto Heinrich Frank. Otto Heinrich Frank publicat li diarie sub li titul Het Achterhuis: Dagboekbrieven van 12 Juni 1942 – 1 Augustus 1944 in li annu 1947. Li diarie esset publicat in diversi versiones e esset traductet in mult lingues e esset mult vendit.