Anthony Albanese

Anthony Albanese

Anthony Norman Albanese es un australian politico qui es, desde li 23-im de may 2022, li prim-ministre de Australia. Su partise es li Australian Labor Partise, de quel il ha esset li parlamentari chef desde li 30-im may 2019.

Personal e profesional vive

Albanese nascet in Sydney li 2-im de marte 1963. Il havet un italian patre e un irlandesi-australian matre, qui esset un sol matre quande Albanese adultijat. Il studiat economie al Universitá de Sydney, u il devenit membre del Australian Labor Partise. Il laborat quam partisal oficiario e oficiario de resercha ante que il esset electet al parlament de Australia.

Ínter 2000–2019, Albanese esset maritat con Carmel Tebbutt, un altri politico del Labor Partise en Nov Sud Gallia. Ili have un filie, e separat in 2019. Desde 2021, Albanese es comettet a Jodie Haydon.

Political cariera

• 1996: Albanese esset electet al parlament de Australia, representante li districte de Grayndler.
• 2001: Devenit un "ombral-ministre" in li Oposition del Labor Partise.
• 2007: Pos que li Labor Partise victet li election, Albanese devenit li ministre por developation regional e guvernament local, li ministre por infrastructura e transporte, e li chef del Dom de Representatives.
• Junio 2013: Devenit li vice-chef del Labor Partise quande Kevin Rudd retornat quam chef del partise.
• Septembre 2013: Li Labor Partise perdit li election. Albanese nominat se quam candidate por esser li nov chef del Labor Partise, ma malgré har ganiat li majorité de votes del membres del partise, il perdit li votes del parlamentari representatives del partise, dunc perdit a Bill Shorten. Albanese devenit li ombral-ministre por infrastructura e transporte, e por turisme.
• 2014: Recevet li rol additional de ombral-ministre por cités.
• 2019: Pos que li Labor Partise perdit li election de ti annu, Albanese viceat Shorten quam chef del partise, e devenit li Chef del Oposition.
• 2022: Devenit li prim-ministre de Australia pos li victorie al election de may 2022.