Armin Laschet

Armin Laschet es un politico de Germania. Il nascet li 18-im de februar 1961 in Aachen esset inter li 27-im de junio 2017 e li 26-im de octobre 2021 prim-ministre del país federal Nordrhen-Westfalia. Armin Laschet es membre del Cristan Democratic Union de Germania e esset electet quam presidente del Cristan Democratic Union de Germania ye li 16-im de januar 2021. Pos li catastrofak resultate de su partise ye li election parlamentari in li septembre 2021 il anunciat su demission quam presidente del partise.

Policalmen Laschet es un exponente del levul-liberal fraction intra li Cristan Democratic Union de Germania e adherente de Angela Merkel.

Personal e professional vive[modificar | redacter fonte]

Achim Laschet studiat jurisprudentie e statal scienties in Bonn e München. Il laborat quam voluntario in li che li bavarian television e radio Bayrischer Rundfunk. Inter 1991 e 1994 Laschet esset chef-redactor del jurnal del episcopatu Aachen e inter 1995 e 1999 il esset director del edition Einhard-Verlag.

Armin Laschet es maritat con Susanne Laschet e li cuple have du filios e un filia.

Political cariera[modificar | redacter fonte]

1989-2004 Armin Laschet es electet in li consilie municipal de Aachen por li Cristan Democratic Union de Germania.
1994-1998 Membre del german parlament.
1999-2005 Membre del Europan Parlament.
2005-2010 Ministre por generationes, familie, féminias e integration del país federal Nordrhen-Westfalia in li guvernament de Jürgen Rüttgers.
2008 Armin Laschet es electet in li presidentie del Cristan Democratic Union de Germania.
2010 Armin Laschet es electet in li parlament del país federal Nordrhen-Westfalia.
2012 Laschet es electet quam presidente del organisation del Cristan Democratic Union de Germania in Nordrhen-Westfalia
2017-2021 Armin Laschet esset prim-ministre del país federal Nordrhen-Westfalia inter li 27-im de junio 2017 e li 26-im de octobre 2021.
2020 Armin Laschet anunciat su candidatura por li oficie del presidente del Cristan Democratic Union de Germania.
2021 Armin Laschet es electet li 16-im de januar 2021 quam presidente del Cristan Democratic Union de Germania, ma anunciat su demission pos li catastrofal resultate de su partise in li electiones parlamentari de Germania in li septembre 2021.
2021-2022 Presidente del Cristan Democratic Union de Germania.