Arseniy Yatsenyuk

De Wikipedia
Arseniy Yatsenyuk 2014

Arseniy Yatsenyuk (plen nómine Arseniy Petrovych Yatsenyuk) es un politico de Ucraina. Il esset desde li 27-im de februar 2014 e li 24-im de julí 2014 temporari prim-ministre de Ucraina. Il esset un membre del partise Patria (Batkiwschtschyna), ma in li annu 2014 il abandonat ti partise e fundat li partise Popul Fronte. Li 12-im de septembre 2014 il esset electet quam presidente del Popul Fronte e devenit denov prim-ministre. Li 10-im april 2016 il demisset quam prim-ministre.

Arseniy Yatsenyuk nascet li 22-im de may 1974 in Chernivtsi (Ucraina).

Personal vive[modificar | redacter fonte]

Yatsenyuk studiat jurisprudentie in Chernivtsi inter 1992 e 1996 e anc economie. Il esset presidente del jure-firma Yurek ltd. in Chernivtsti inter 1992 e 1997. Inter 1998 e 2001 il laborat in li Avalbank in Kiev.

Yatsenyuk es maritat e have du filias. Il es catolico quam membre del Ucranian Grec-Catolic Eclesie.

Political cariera[modificar | redacter fonte]

  • 2001-2003: Ministre por economie del autonom guvernament del peninsul Crim.
  • 2003-2005: Vice-presidente del Ucrainian National Bank.
  • 2005-2006: Ministre por economie de Ucraina.
  • 2007-2008: Presidente del parlament de Ucraina.
  • 2009: Yatsenyuk candidat por li oficie del presidente de Ucrania, ma atinge solmen 6,69 percent.
  • 2012-2014: Yatsenyuk esset electet in li parlament e esset li presidente del gruppe del deputates del partise Patria (Batkiwschtschyna).
  • 2013-2014: Yatsenyuk es con Vitali Klitchko e Oleh Tjahnybok un del ductores del Euromaidan movement, quel protestat contra li por-russian politica de presidente Victor Yanukovich.
  • 2014: Pos li cade de Yanukovich Yatsenyuk es electet li 27-im de februar 2014 quam temporari prim-ministre de Ucraina. Il abandonat li partise Patria (Batkiwschtschyna) e devenit li 12-im de septembre 2014 li presidente del Popul Fronte.
  • 2014-2016 Yatsenyuk esset prim-ministre de Ucraina inter li 27-im de februar 2014 e li 10-im de april 2016.
  • 2016 Yatsenyuk demisset li 10-im de april 2016 quam prim-ministre.