Avigdor Lieberman

De Wikipedia
Jump to navigation Jump to search
Avigdor Liebermann in li annu 2011

Avigdor Lieberman es un politico de Israel. Il nascet li 5-im de junio 1958 in Chișinău (Moldavia) e es desde li 31-im de marte 2009 li ministre por externi aferes e vice-prim-ministre de Israel. In li annu 1999 il fundat li dextri political partise Israel Nor Dom de quel presidente il es desde su fundation.

Personal e professional vive[modificar | redacter fonte]

Lieberman e su familie emigrat in li annu 1978 del Soviet-Union a Israel. Ta il fat su obligatori militari servicie e studiat political scientie in Jerusalem.

Avigdor Lieberman es maritat con Ella Lieberman e li cuple have du filios e un filia.

Political cariera[modificar | redacter fonte]

Til li annu 1997 Lieberman esset activ por li Likud-bloc. Il esset chef del buró de Benjamin Netanyahu.

  • 1999 Lieberman fundat li dextri political partise Israel Nor Dom e devenit su presidente. Desde li annu 1999 il es membre del Knesset.
  • 2001-2002 Ministre por li national infrastructura.
  • 2003-2004 Ministre de transporte.
  • 2006-2008 Vice-prim-ministre.
  • 2009 Liebermann devenit denov vice-prim-ministre e anc ministre por externi aferes de Israel.