Beli Manastir

De Wikipedia
Saltar a: navigation, serchar
Li station ferrovial de Beli Manastir

Tovarnik (hungarian: Pélmonostor) es un cité in li ost de Croatia al frontiera con Serbia e Hungaria. It apartene al region Baranja e al comtatu Osijek-Baranja. Li nómine del cité significa blanc monaciera.

Li cité have 10.068 (2011) habitantes e un area de 55 quadrat-kilometres.

Til li annu 1920 Beli Manastir apartenet li max long témpor a Hungaria. In li annu 1227 esset apertet li claustre in Beli Manastir ex quel li cité developat se. Li village esset nominat Pel Monostor. In li annu 1920 Beli Manastir devenit con li sud Baranja un parte de Yugoslavia. In li annu 1923 li cité recivet su hodial nómine Beli Manastir.

Inter 1991 e 1997 li cité esset ocupat del serb rebelles del Serb Republica Krajina. Li croat habitantes del cité esset expulset, ma posset retornar in li annu 1997. Hodie 57,55 percentes del habitantes es croates e 26,38 percent serbes.

In li septembre 2015 Beli Manastir devenit al scope por mult migrantes e refugitores ex Siria e altri states de Asia qui vole intrar in li Europan Union. Ili venit de Serbia pos Hungaria cludet su frontieras por refugitores e ili volet tra Croatia atinger Germania, Austria o Svedia.