Bill English

Simon William „Bill“ English es un politico de Nov-Zeland. Il nascet li 30-im de decembre 1961 in Lumsden e esset li prim-ministre de Nov-Zeland inter li 12-im de decembre 2016 e li 27-im de octobre 2017. Bill English esset anc inter li 16-im de decembre 2016 e li 27-im de februar 2018 li presidente del conservativ Nov-Zeland National Partise.

Personal e professional vive

Bill English studiat comercie al University of Otago e anglesi literatura in Wellington. Il laborat pos su studies quam farmero in Dipton e anc quam analist de politica. Il es maritat con Mary Scanlon e have six infantes.

Political cariera

1980 Bill English devenit membre del conservativ Nov-Zeland National Partise.
1996 Bill English es electet in li Dom de representantes de Nov-Zeland.
2006-2016 Vice-presidente del conservativ Nov-Zeland National Partise.
2008-2016 Ministre de finance de Nov-Zeland.
2016 Bill English devenit li 12-im de decembre 2016 prim-ministre de Nov-Zeland e li 16-im decembre 2016 li presidente del conservativ Nov-Zeland National Partise quam successor de John Key.
2016-2017 Bill English esset inter li 12-im de decembre 2016 e li 27-im de octobre 2017 prim-ministre de Nov-Zeland.
2016-2018 Bill English inter li 16-im de decembre 2016 e li 27-im de februar 2018 li presidente del conservativ Nov-Zeland National Partise.