Bodo Schiffmann

De Wikipedia
Bodo Schiffmann
Bodo Schiffmann
Bodo Schiffmann
Land GermaniaGermania Germania
Nascentie 20-im de januar 1968 in Beuel
Ocupation Medico e political activist

Bodo Schiffmann es un medico e political activiste de Germania contra li restrictiones durant li COVID-19-pandemie. Bodo Schiffmann nascet li 20-im de januar 1968 in Beuel e esset un del initiatores del political organisation Widerstand2020 (Resistentie2020) quel es activ in li higiene-demonstrationes in Germania. Bodo Schiffmann forlassat li partise li 4-im de junio 2020 e fundat li 14-im de junio 2020 li partise Wir2020 (Noi2020) quel il anc abandonat pos tre curt témpor.

Personal e professional vive[modificar | redacter fonte]

Bodo Schiffmann studiat medicina in Heidelberg e Mannheim. Su specialité es otorhinolaryngologie e vertigine-maladies. Bodo Schiffmann labora quam medico. In li annu 2006 il apertet un clientela por privat-patientes qui have vertigine-maladies in Sinsheim.

Schiffmann quam political activiste[modificar | redacter fonte]

Desde li 14-im marte 2020 Bodo Schiffmann publicat videos che You Tube pri li pandemie COVID-19. In ti videos Schiffmann criticat que li restrictiones in Germania contra li COVID-19 pandemie es exagerat e exter omni proportiones. Precipue il atacca li virolog Christian Drosten qui consilia li german guvernament e li german prim-ministe Angela Merkel. Su You Tube-canale ja have in li may 2020 138.000 abonentes.

Bodo Schiffmann esset inter li initiatores del partise Widerstand2020 quel es inter li organisatores del Higiene-demonstrationes in Germania e demandat li fine del restrictiones contra li COVID-19 pandemie.

Schiffmann anc scri articules por li medical jurnal Leading Medicine Guide.

Critico[modificar | redacter fonte]

Li teses de Schiffmann pri li COVID-19 pandemie-mesura es in direct contradition del oficial politico in Germania. Schiffmann es criticat quam adherente del teories de conspiration e que il trivialisa li dangeres del pandemie.

Ligamentes extern[modificar | redacter fonte]

YouTube Canale de Bodo Schiffmann