Boris Pistorius
| Boris Pistorius | |
|---|---|
_(cropped).jpg) | |
| Land |  Germania
|
| Nascentie | 14-im Marte 1960 in Osnabrück |
| Partise | Socialdemocratic Partise de Germania |
| Oficies | |
| Ministre por defense de Germania | |
| Quande | 19-im de januar 2023 til nu |
| Antecessor | Christine Lambrecht |
| Successor | Boris Pistorius |
| Ministre por interni aferes e sport de Infra Saxonia | |
| Quande | 19-im de februar 2013 til 19-im de januar 2023 |
| Antecessor | Uwe Schünemann |
Boris Ludwig Pistorius es un politico de Germania. Il nascet li 14-im de marte 1960 in Osnabrück e es desde 19-im de januar 2023 ministre de defense de Germania pos li demission de Christine Lambrecht. Boris Pistorius es un membre del Socialdemocratic Partise de Germania.
Personal e professional vive
[modificar | redacter fonte]Li matre de Boris Pistorius, Ursula Pistorius (1933-2015) esset membre del parlament del país federal Infra Saxonia. Pos li scola Boris Pistorius fat un aprentisage quam comerciante e fat su obligatori servicie militari. Pos to il studiat jurisprudentie in Osnabrück, Münster e Angers (Francia). Pos su studies Boris Pistorius laborat quam avocate, ma comensat tost laborar por li país federal Infra Saxonia.
Boris Pistorius es vidui e have du filias. Su marita Sabine Pistorius (nascet quam Hess) morit in li annu 2015 pro cancere. Boris Pistorius esset inter 2016 e 2022 in un relation con Doris Köpf, qui es li ex-marita del german ex-prim-ministre Gerhard Schröder.
Political cariera
[modificar | redacter fonte]- 1976 Boris Pistorius devenit membre del Socialdemocratic Partise de Germania.
- 2006-2013 Boris Pistorius esset borgomastro de Osnabrück.
- 2013-2022 Boris Pistorius esset ministre por interni aferes e sport del país federal Infra Saxonia in li guvernament de Stephan Weil.
- 2017 Boris Pistorius es electet in li parlament del país federal Infra Saxonia e devenit membre del in li presidentie del Socialdemocratic Partise de Germania.
- 2019 Pistorius candidat sin successe por li oficie del presidente del Socialdemocratic Partise de Germania juntmen con Petra Köpping.
- 2023 Boris Pistorius devenit li 19-im de januar 2023 ministre por defense de Germania in li guvernament de Olaf Scholz.