Camp Whitehawk

De Wikipedia
Afiche con information pri li archeologie in li Camp Whitehawk

Camp Whitehawk es li es li restage de un inclusura chosseat sur Whitehawk Hill proxim a Brighton, East Sussex, Anglia. Tal inclosuras es un form de temporan neolitic ovres de terre queles on constructet in Anglia just ante 3700 AC til circa 3300. Ili es caracterisat per un loc completmen o partialmen includet con fosses interruptet per breches, o chossés. Lor utilisation es ínconosset; fórsan ili esset inhabitationes, locs de incontrada, o por rituales. Li situ por Whitehawk consiste ex quar rudmen concentric circulari fosses, con bancas de terre along li interiore del fosses, visibil in quelc locs. It es possibil que un palissade de ligne existet sur li cime del bancas. Éxter li circuite max exteriori hay adminim du altri fosses, un de queles es, sequente li evidentie de radiocarbonic datation, del Bronzin Era e pro to circa 2000 annus pos li max temporan activitá in li situ.